30 ఏళ్ల తర్వాత కలిసిన తల్లీకూతుళ్లు

Daughters met their Mother after thirty years

Daughters met their Mother after thirty years.For Telugu states, National and International news analysis Telugoda is one among the best. Experience the unique approach and analysis outcome exclusively for Telugu People

30 ఏళ్ల క్రితం విడిపోయిన తల్లీ కూతుళ్లు హైదరాబాద్ లో కలుసుకున్నారు. అవును.. 30 ఏళ్ల క్రితం విడిపోయిన తల్లీకూతుళ్లు చాలా గ్యాప్ తర్వాత చివరకు హైదరాబాద్ పోలీసుల సహాయంతో కలుసుకున్నారు. 30 ఏళ్ల క్రితం.. హైదరాబాద్‌కు చెందిన నజియాను దుబాయ్‌కు చెందిన షేక్‌ పెళ్లి చేసుకున్నాడు. తర్వాత నజియాను తీసుకుని దుబాయ్‌ వెళ్లిపోయాడు. వారికి అక్కడ ఇద్దరు అమ్మాయిలు పుట్టారు. అమ్మాయిలు పుట్టిన తర్వాత షేక్‌.. నజియాను బలవంతంగా హైదరాబాద్‌కు పంపించేశాడు. పిల్లలను మాత్రం తనవద్దే ఉంచేసుకున్నాడు. ఒంటరిగా హైదరాబాద్‌కు వచ్చిన నజియా కు తన బతుకేంటో అర్థంకాని పరిస్థితి. కుటుంబ సభ్యుల ఒత్తిడితో రెండో పెళ్లి చేసుకుంది.

అటు.. దుబాయ్‌లో పెరిగి పెద్దయిన నజియా ఇద్దరు పిల్లలు ఫాతిమా, ఆయేషా.. తమ తల్లి ఎక్కడుంతో తెలుసుకోవాలనుకున్నారు. అమ్మను ఒక్కసారైనా కలుసుకోవాలని ఆరాటపడ్డారు. జనవరిలో హైదరాబాద్‌ కు వచ్చారు. కానీ.. తల్లి వివరాలు తెలియరాలేదు. అసలు వాళ్ల దగ్గరే వివరాలు లేవు. దీంతో.. తల్లి నజియాను కనుక్కోలేక మనోవ్యధకు గురయ్యారు. హైదరాబాద్ పోలీసులను సంప్రదించారు. నజియాకు సంబంధించిన ఫాతిమా, ఆయేషా వద్ద ఉన్నది కేవలం ఓ చిన్న ఫొటో మాత్రమే. దీంతో.. పోలీసులకు దర్యాప్తు కష్టంగా మారింది. ఐతే.. 30 ఏళ్లక్రితం తమనుంచి దూరమై తల్లి కోసం.. ఆయేషా, ఫాతిమా ఆవేదనకు చలించిన పోలీసులు అన్ని రకాలుగా ప్రయత్నాలు ముమ్మరం చేసారు. ఎట్టకేలకు ఆరునెలల తర్వాత నజియా ఆచూకీ తెలుసుకోగలిగారు.అన్ని వివరాలు తెలుసుకున్న తర్వాత ఫాతిమా, ఆయేషాలకు విషయం తెలిపారు.

30ఏళ్ల తర్వాత తన బిడ్డలను కలుసుకున్న నాజియా ఆనందంతో కన్నీటిపర్యంతమైంది. అటు.. ఎప్పుడో విడిపోయిన తల్లిని చూడగానే ఫాతిమా,నాజియా చిన్నపిల్లల్లా కేరింతలు కొట్టారు. ఆనందబాష్పాలు పొంగిపొరలాయి. ఇన్ని రోజులకు తమ తల్లిని కలుసుకోవడం సంతోషంగా ఉందంటున్నారు నజియా పిల్లలు. నజియాను కలుసుకోవడంలో తమకు సహకరించిన హైదరాబాద్‌ పోలీసులకు వారు కృతజ్ఞతలు తెలుపుతున్నారు. నాజియాను వెదకడం కోసం హైదరాబాద్‌ పోలీసులు చేసిన కృషిని అందరూ కొనియాడుతున్నారు. పౌరుల భద్రతే కాదు.. ఇలాంటి అరుదైన సందర్భాల్లోనూ రాష్ట్ర పోలీసులు ప్రజలకు అండగా ఉంటూ.. నిజమైన ఫ్రెండ్లీ పోలీసింగ్ కు నిర్వచనంగా మారారని అభినందిస్తున్నారు.

Related posts:
భర్తను వదిలి ప్రియుడితో ప్రేమ.. ఇది 2016 లవ్‌స్టోరీ
ప్రపంచాన్ని వణికించిన బ్రిగ్జిట్ ఏంటో తెలుసా..?
అతడి అంగమే ప్రాణం కాపాడింది
251 రూపాయల ఫోన్ డెలివరికి సిద్దం.. ఫీచర్లు ఇవే
అప్పు కింద ఆడపిల్లలు.. యునిసెఫ్ నివేదిక
తాగుబోతుల తెలంగాణ!
గ్రౌండ్ లో రాందేవ్ బాబా ఏం చేశాడంటే..
సల్మాన్ తుపాకితో కాల్చుకున్న జింక!
జియోకు 9900 కోట్లు కట్టాల్సిందే... ఎయిర్‌టెల్, వోడాఫోన్, ఐడియాలకు షాక్
నెలకు 75 లీటర్ల పెట్రోల్ ఫ్రీ
ఏటీఎంలో మందులు.. అది కూడా ఏపిలో
వైయస్ జగన్ కు లోకేష్ బహిరంగ లేఖ ఎందుకంటే..
అర్నాబ్ గోస్వామికి అంత భద్రత!
ఆమె కారు కోసం రోడ్డేస్తున్న సర్కార్
బతుకు బస్టాండ్ అంటే ఇదే
నోట్లపై గాంధీ బొమ్మ తొలగించాలట!
జియోకు పోటీగా ఆర్‌కాం
ట్రంప్, పుతిన్ లను మించిన మోదీ
జయ మరణం ముందే తెలుసా?
పాకిస్థాన్ లో కూడా నోట్లరద్దు
బ్యాంకోళ్ల బలి.. సినిమా కాదు రియల్
బెంగళూరు ఉద్యోగాలు ఇక ఉండవా?
డిసెంబర్ 31న మోదీ స్పీచ్
మోదీ దెబ్బతో దావూద్ 15వేల కోట్లు మటాష్

Comments

comments