గెలిచి ఓడిన రోహిత్ వేముల

Hyderabad Central University Student Rohith Vemula success as student, failed as Dalith

ఓ విద్యార్థి మరణం దేశ రాజకీయాల్లో సంచలనం రేపింది. విద్యార్థి నుండి ప్రధాని వరకు అందరూ కూడా దీని మీద స్పందించారు. ప్రధాని మోదీ కూడా ఆ విద్యార్థి మరణం మీద తన సంతాపాన్ని ప్రకటించారు. ప్రతిపక్ష నాయకుడి దగ్గరి నుండి ముఖ్యమంత్రుల వరకు అందరూ కూడా ఆ విద్యార్థి మరణం మీద స్పందించాల్సిన అవసరం ఎందుకు వచ్చింది అనుకుంటున్నారా..? చనిపోయిన విద్యార్థి హైదరాబాద్ సెంట్రల్ యూనివర్సిటీ స్టూడెంట్, దళితుడు కూడా కావడంతో ఆ ఆత్మహత్య మొత్తం దేశంలో చర్చకు తెర తీసింది. తాజాగా ఆ దళిత, హెచ్.సి.యు విద్యార్థి రోహిత్ వేముల ఆత్మహత్య నేపథ్యంలో జస్టిస్ రూపన్ వాలా రిపోర్ట్ ఇచ్చింది.

దేశవ్యాప్తంగా సంచలనం సృష్టించిన హైదరాబాద్ సెంట్రల్ యూనివర్సిటీ (హెచ్‌సీయూ) పరిశోధక విద్యార్థి రోహిత్ వేముల ఆత్మహత్యపై నియమించిన జస్టిస్ రూపన్‌వాలా దర్యాప్తు కమిషన్ తన నివేదిక కేంద్ర మానవ వనరులశాఖకు అందజేసింది. రోహిత్ వేముల దళిత సామాజిక వర్గానికి చెందినవాడే అనటానికి సరైన ఆధారాలు లేవని అందులో వెల్లడించింది. అలాగే, వ్యక్తిగత కారణాలతోనే రోహిత్ ఆత్మహత్య చేసుకొన్నట్లు తెలిపింది. రోహిత్ ఆత్మహత్య ఘటన వ్యవహారంలో కేంద్ర మంత్రులు బండారు దత్తాత్రేయ, స్మృతి ఇరానీకి ఎలాంటి సంబంధంలేదని కూడా కమిషన్ తన నివేదికలో క్లీన్ చిట్ ఇచ్చినట్లుగా తెలిసింది.

హెచ్‌సీయూ అధికారులతో ఎలాంటి రాజకీయ ఒత్తిళ్లులేవని కూడా పేర్కొంది. రోహిత్ తల్లి రాధిక మాల సామాజికవర్గానికి చెందినట్లుగా చెప్పడానికి ఎలాంటి ఆధారాలులేవని, రాధికను దత్తత తీసుకున్న కుటుంబానికి ఆమె వాస్తవ సామాజికవర్గం గురించి వివరించలేదని, కాబట్టి ఆ కులం పేరును ఆమె వాడుకునే అవకాశంలేదని తన నివేదికలో కమిషన్ పేర్కొన్నట్లు సమాచారం. అదేసమయంలో, రోహిత్ కులం గురించి తెలుసుకోవడం కమిషన్ విచారణ పరిధిలోని అంశంకాదని, కేవలం యూనివర్సిటీలో ఇలాంటి ఘటనలు జరుగకుండా చూసేందుకు చేయాల్సిన సిఫారసులపైనే తాము దృష్టి పెడుతామని కమిషన్ వ్యాఖ్యానించినట్లు సమాచారం.

కాగా రోహిత్ వేముల ఆత్మహత్య చాలా వరకు రాజకీయంగా మారినా కానీ ఎంతో మందిలో ఓ చైతన్యాన్ని తీసుకువచ్చింది. చాలా విద్యాలయాల్లో ఇప్పటికీ సాగుతున్న దురాగతాల మీద సంస్థ రోహిత్ వేముల చేసిన పోరాటం ఎంతో మంది విద్యార్థులను కదిలించింది. దేశంలోని చాలా యూనివర్సిటీల్లో దీనిపై చర్చించుకునేలా చేయడంలో మాత్రం రోహిత్ వేముల దాదాపుగా సక్సెస్ అయ్యారు. అయితే ఇప్పుడు రోహిత్ వేముల దళితుడు కాదు అన్న క్లారిటీ వల్ల కేంద్ర మంత్రి బండారు దత్తాత్రేయ, స్మృతి ఇరానీకి మాత్రం కాస్త రిలీఫ్ అనే అనుకోవచ్చు. కాగా మొన్నటిదాకా రోహిత్ వేముల కుటుంబ సభ్యులు దళితులకు వర్తించే వెనలుబాటులు మాత్రం ఇక మీదట ఉండవు. మొత్తానికి రోహిత్ వేముల ఓ విద్యార్థిగా అసమానతలపై పోరాటంలో గెలిచినా, కులంపరంగా మాత్రం ఓడిపోయినట్లు అనిపిస్తోంది.

Related posts:
ముద్రగడ ఈ లేఖకు ఏం సమాధానమిస్తారు.?
బురఖా నిషేదం.. వేస్తే భారీ జరిమాన
గాల్లో తేలినట్టుందే.. పెళ్లి చేసినట్టుందే
కృష్ణా పుష్కర భక్తులకు హెచ్చరిక: కృష్ణా జలాల్లో బ్యాక్టీరియా
పెళ్లిలో రక్తపాతం.. 51 మంది మృతి
ఏమన్నా అంటే పర్సనల్ అంటారు
కాశ్మీరు వేర్పాటు వాదులకు దిమ్మతిరిగే షాక్
ప్యాంటు తడిసినా పొగరు తగ్గలేదా?
తట్టుకోలేకపోతున్న పాకిస్థాన్..... భారత్ దెబ్బకు ఒక్కిరిబిక్కిరి
మెగాఆక్వాఫుడ్ బాధిుతలతో జగన్
బాబుకు భయం.. మున్సిపల్ ఎలక్షన్ల ఆలస్యం అందుకే
8మందిని వేసేశారు... సిమి ఉగ్రవాదుల ఎన్ కౌంటర్.. తీవ్ర వివాదం
కొత్త నొటును చూసి ఈ పాప ఏమందో తెలుసా?
మోదీ ప్రాణానికి ముప్పు
యుపీలో ఘోర రైలు ప్రమాదం
దివీస్ పై జగన్ కన్నెర్ర
పోస్టాఫీస్‌లపై సీబీఐ దాడులు
1075కు ఫోన్ చేస్తే ఫ్రీగా డాక్టర్ల సలహాలు
జైలు నుండి పరారైన ఉగ్రవాది దొరికాడు
వైఎస్ఆర్ కాంగ్రెస్ లోకి నేతల క్యు
అతి పెద్ద కుంభకోణం ఇదే
బెంగళూరు ఉద్యోగాలు ఇక ఉండవా?
అమెరికా అధ్యక్షుడిగా డొనాల్డ్ ట్రంప్ ఏం మాట్లాడారంటే...
AP 70% జనాభా పల్లెల్లోనే..!

Comments

comments