ఉప్పెనలా జగన్ డిజిటల్ సేన

YSRCP Digital Media

అవకాశాలను అందిపుచ్చుకోవడం యూత్ కు ఉండే లక్షణం. అలాంటి యూత్ కు ఐకాన్ గా చెప్పుకునే ఏపి ప్రతిపక్ష నాయకుడు జగన్ కు చాలా మంది యువత సపోర్ట్ గా నిలుస్తున్నారు. ముఖ్యంగా టెక్నాలజీలో కొత్త పుంతలు తొక్కుతున్న వేళ జగన్ కు అనుకూలంగా ప్రభుత్వం తీరును, చంద్రబాబు వైఖరిని, లోకేష్ అసమర్థతను ఎండగడుతూ సోషల్ మీడియాలో విపరీతంగా ప్రచారం చేస్తున్నారు. అన్ని పార్టీలు డిజిటలైజ్ అవుతున్న తరుణంలో డిజిటల్ మీడియాలో విపరీతమైన ఫాలోయింగ్, సపోర్ట్ జగన్ కు పెరిగింది.

గతంలో టెక్నాలజీ అంటే తానే కనిపెట్టాను అని చెప్పుకునే ఏపి సిఎం చంద్రబాబు నాయుడుకు అదే టెక్నాలజీతో చెక్ చెబుతున్నారు జగన్ ఫాలోవర్స్. ప్రత్యర్థి బలహీనతలను కొట్టడం మామూలే.. కానీ వైసీపీ, జగన్ కు అనుకూలంగా ఉన్న వాళ్లు మాత్రం గతంలో చంద్రబాబు తనకు బలం అనుకున్న టెక్నాలజీతోనే, డిజిటల్ మీడియా ద్వారానే ఎండగడుతున్నారు. ఏపిలో ప్రతిపక్ష నాయకుడిగా ఉన్న వైసీపీ అధ్యక్షుడు వైయస్ జగన్ కు అంతకంతకు బలం పెరుగుతోంది. క్రితం ఎన్నికల్లో అతి తక్కువ ఓటింగ్ పర్సంటేజ్ తో అధికారానికి దూరమైన జగన్ కు తామున్నామంటూ చాలా మంది సపోర్ట్ గా నిలుస్తున్నారు.

గతంలో డిజిటల్ మీడియా విషయంలో కాస్త వెనుకబడిన వైసీపీకి ఇప్పుడు అదే డిజిటల్ మీడియాలో బలం అనూహ్యంగా పెరిగింది. అలా బలాన్ని పెంచుకున్న జగన్ డిజిటల్ సేన చంద్రబాబు నాయుడుకు, ఆయన మద్దతుదారులకు చమటలు పట్టిస్తోంది. చంద్రబాబు నాయుడు మాట్లాడిన ప్రతి తప్పుడు మాటను ఈ సేన ఎప్పటికప్పుడు ఎండగడుతోంది.

జగన్ డిజిటల్ సేన దేనిపై ఎక్కువగా స్పందిస్తున్నారంటే..
వెన్నుపొటుదారు అనే ముద్ర నారా చంద్రబాబు నాయుడుకు శాపంగా మారింది అని చెప్పుకోవచ్చు. సీనియర్ ఎన్టీఆర్ జయంతి, వర్థంతి నాడు  ఎన్టీఆర్ ను వెన్నుపోటుపొడిచింది  చంద్రబాబే అంటూ సోషల్ మీడియాలో పోస్టులు పెట్టేస్తున్నారు. ఇక తెలుగుదేశం పార్టీ ఆవిర్భావ దినోత్సవం నాడు కూడా అదే రకంగా చంద్రబాబు నాయుడును టార్గెట్ గా చేసుకొని సోషల్ మీడియాలో యుద్ధం చేస్తున్నారు.

రెండు రాష్ట్రాల మధ్య వివాదానికి తెర తీసిన ఓటుకు నోటు కేసు టైంలో అయితే చంద్రబాబు నాయుడును జగన్ డిజటల్ సైన్యం ఓ రేంజ్ లో ఉతికేసింది. కనీసం సమాధానం కూడా చెప్పుకోలేని టిడిపి ఆ టైంలో కిమ్మనకుండా కూర్చుంది. ప్రజల్లోకి నోటుకు ఓటును రకరకాలుగా తీసుకెళ్లింది ఈ సైన్యం. అందులో భాగంగా రకరకాల జోకులు, ఇమేజ్ లు తయారు చేయించి విపరీతంగా ప్రజల్లోకి తీసుకెళ్లి చంద్రబాబు తీరును ఎండగట్టారు.

ఇక రైతుల నుండి భూములను బలవంతంగా లాక్కొన్ని అమరావతి పేరుతో చేస్తున్న అవకతవకలపై కూడా చంద్రబాబుకు ఎదురుగాలి వీచేలా చేసింది. రైతుల నుండి భూములను లాక్కోవడంపై పవన్ కళ్యాణ్  వ్యతిరేకించడం కూడా వీరికి మరింత ఉత్సాహాన్ని ఇచ్చింది. ఇక ఏపిలో తీవ్ర కలకలం రేపిన కాల్ మనీ అంశంలో అయితే టిడిపి నాయకుల వైఖరిని, వారి తప్పులను ఎత్తి చూపి, జనాలు వాళ్లను చీదరించుకునేలా చేసింది జగన్ డిజిటల్ సేన. ఆడవాళ్లకు తమ ప్రభుత్వం హయాంలో పూర్తి స్థాయి రక్షణ అని ఎప్పుడూ చెప్పుకునే చంద్రబాబు నాయుడు, తన దగ్గరి వాళ్లే కాల్ మనీలో భాగస్వాములు అయినా ఏమీచెయ్యలేకపోయారని దుమ్మెత్తిపోసింది.

వెలగపూడిలో తాత్కాలిక  సచివాలయ భవనం నిర్మాణం దశలొ ఉన్నప్పుడే భవనం కుంగిపోవడం మీద కూడా సోషల్ మీడియాలో సెటైర్లు పడ్డాయి.ఇక రాష్ట్రంలోనే కాదు దేశం నుండే అవినీతిని నిర్మూలిస్తా అని బీరాలు పలికిన చంద్రబాబు అసలు స్వరూపాన్ని నడి బజారులో బట్టలు లేకుండా చూపించింది . తాజాగా ఓ సర్వే వివరాల ప్రకారం దేశంలోనే అవినీతిలో నెంబర్ వన్ రాష్ట్రంగా ఏపిని  నిలిపిన చంద్రబాబుకు ఎడాపెడా వాయించింది ఈ డిజిటల్ సేన.

ఇలా చంద్రబాబు నాయుడు చేస్తున్న తప్పులను ఎత్తిచూపుతూ.. ప్రభుత్వం తప్పు చేస్తే వెంటనే సోషల్ మీడియాలో కొరడా ఝులిపిస్తోంది జగన్ డిజిటల్ సేన. చూస్తుంటే తెలుగు రాష్ట్రాల్లో ఏ పార్టీకి ఇంతలా ఉప్పెనలా విరుచుకుపడే డిజిటల్ సేన  లేదు అంటే అతిశయోక్తి కాదు. వైసీపీ పార్టీకి అనుకూలంగా అంతకంతకు మద్దతు పెరిగేలా డిజిటల్ మీడియాలో కొత్త విప్లవానికి తెర తీసింది.

జగన్ డిజిటల్ సేన ఒక పక్కన చంద్రబాబు నాయుడును టార్గెట్ గా చేస్తూనే నారా లోకేష్ ను అసమర్థ నేతగా జోకులు పేలుస్తోంది.  ఆయన చేసిన వ్యాఖ్యలు, విదేశాల్లో దిగిన ఫోటోలను బాగా వాడుకుంటోంది. గతంలో మోదీకి అనుకూలం సోషల్ మీడియా ప్రచారం చేస్తూనే, యుపిఎ  విదానాలను ఎండగట్టింది. అదే సమయంలో రాహుల్ గాంధీని ఓ అసమర్థ నాయకుడిగా చూపించింది. ఇప్పుడు జగన్ డిజిటల్ సేన కూడా ఇదే ట్రెండ్ ను ఫాలో అవుతున్నట్లు అనిపిస్తోంది. డిజిటల్ మీడియా బలంతో మోదీ ప్రధానమంత్రి  పీఠాన్ని అధిరోహించారు. మరి ఏపిలో అదే డిజిటల్ మీడియా బలంతో జగన్ సిఎం కుర్చీ ఎక్కుతారేమో.. చూడాలి.

Related posts:
కేసీఆర్ చెప్పిన కుట్రలో నిజమెంత...?
పివి నరసింహారావు.. దేశానికి ఠీవి కాంగ్రెస్ కు బిపి
టెర్రరిస్టులకు ఓవైసీ సపోర్ట్ ఎందుకు? పచ్చినిజాలు
పూలు అమ్మిన చోట కట్టెలు కూడా అమ్మలేక
వాళ్ల రక్తం చిందిస్తే లక్షలు ఎందుకు..?
ఆ అద్భుతానికి పాతికేళ్లు
వేమన ఏమన్నాడో విన్నావా..? శివాజీ
కాశ్మీర్ పై నెహ్రూ నిర్ణయం అప్పుడు ఒప్పు.. ఎప్పటికీ తప్పు
మల్లన్న సాగర్ కు మొదటి బలి హరీష్ రావు
బాబ్బాబు.. బాబ్బాబ్.. బాబూ
పవన్, అల్లు అర్జున్ పాటలపై గరికపాటి సెటైర్లు
పవన్ చంద్రుడి చక్రమే
ఆళ్లరామకృష్ణ నైతిక విజయం
బాబు Khan
మూడింటికి తేడా ఏంటి..?
ఆరిన దీపాల మధ్య పవన్ ఆవేదన
పాక్‌కు పోయేదేముంది.. భారత్‌కు వచ్చేదేముంది ?
దేశం మెచ్చిన జేమ్స్ బాండ్.. ధోవల్ అంటే పాక్ హడల్
మేడిపండులాంటి కేసీఆర్ సర్కార్
వర్షాలు పడితే సిఎంలు చనిపోతారా?
పవన్ క్షమాపణలు చెప్పాలి
మోదీ కరెన్సీ ప్లాన్ ఇంతకీ తప్పా? ఒప్పా?
క్యాష్‌లెస్ ఇండియా ఎప్పటికీ కలే
రాహుల్ పై కరుణ ఆగ్రహం

Comments

comments