జగన్‌కు తెలుసు.. ముద్రగడకు తెలిసొచ్చింది?

Jagan know about that but Mudragada

కాపుల కోసం రిజర్వేషన్లు కల్పించాలనే డిమాండ్ తో తునిలో మీటింగ్ పెట్టి అక్కడ హింసకు తావిచ్చారు కాపు నాయకుడు ముద్రగడ పద్మనాభం. కాగా తుని ఘనటపై కాస్త కఠువుగా ఉన్న ప్రభుత్వం నిందితులను అరెస్టు చేసి వెంటనే రిమాండ్ కు తరలించింది. తమ వాళ్లను వెంటనే విడుదల చెయ్యాలనే తక్షణ డిమాండ్‌తో దీక్షకు దిగారు ముద్రగడ.కిర్లంపూడిలో ముందుగా విషం బాటిల్ పట్టుకొని దీక్షకు దిగగా.. పోలీసులు బలవంతంగా ఆయనను కిర్లంపూడి నుండి రాజమహేంద్రవరం ఆస్పత్రికి తరలించారు.

ఇక అక్కడి నుండి అసలు కథ మొదలైంది. కాపు నాయకులు చాలా మంది ఏకమయ్యారు. ప్రభుత్వాన్ని తీవ్రంగా తప్పుబట్టారు. సాక్షి ఛానల్ ను చాలా చోట్ల బ్యాన్ చెయ్యడం జరిగింది అని మరింత రెచ్చిపోయారు ఓ వర్గానికి చెందిన వాళ్లు. వాళ్లకు తోడు ఓ పార్టీకి చెందిన నాయకులు. అలా చిలికిచిలికి గాలి వానగా మారుతున్న ముద్రగడ దీక్షపై రోజులు గడుస్తున్నా కానీ ప్రభుత్వం నుండి మాత్రం ఎలాంటి స్పందన రాకపోవడంతో కాపు నాయకులు డైలమాలో పడ్డారు. అసలు ఈ మొత్తం వ్యవహారం మీద ప్రభుత్వం చర్చలు జరపడానికి… ముద్రగడతో చర్చించడానికి ఎవరూ ముందుకురాలేదు. దీనికి కారణం ఏంటో అందరికి తెలుసు.

ముద్రగడ పద్మనాభంకు చాలా మొండి మనిషి అనే పేరుంది. ఎవరు చెప్పినా కానీ మాట వినేరకం కాదు అని కేవలం తన పంతం కోసం మాత్రమే ఏదైనా చేస్తారు అనే పేరుండటంతో ఎవరూ కూడా ముద్రగడ దీక్షను విరమింపజెయ్యడానికి ముందుకురాలేదు. తుని ఘటనలో అరెస్టైన వారి విడుదల కోసం ముద్రగడ పదమూడు రోజుల పాటు దీక్ష చేశారు. దీనిపై మంత్రులు, టిడిపి నేతలు పదేపదే ప్రశ్నలు సంధించడం గమనార్హం. ఇన్ని రోజుల పాటు ఆయన ఇలా ఎలా ఉండగలుగుతున్నారని వారు అనుమానం వ్యక్తం చేశారు. ఇది ఓ రకంగా ముద్రగడ మీద అపనమ్మకాన్ని కలిగిచింది అని అనుకోవాలి.

కాపు నాయకుడు ముద్రగడ దీక్షపై ముందు నుండి నెగిటివ్ గా ప్రజల్లోకి తీసుకెళ్లిన అధికార పార్టీ అంతకంతకు అలాగే ప్రచారం చేసింది. ఇది ముద్రగడ దీక్షలోని సీరియస్‌నెస్‌ను తగ్గించేలా.. ఇది కూడా టిడిపి వ్యూహమేనని రాజకీయ విశ్లేషకులు అంటున్నారు. వీటన్నింటి కారణంగా దీక్ష ప్రభావం అంతగా కనిపించలేదనే వాదనలు కూడా ఉన్నాయి. అదే సమయంలో, కాపు నేతలలో ఐక్యత లేకపోవడం కూడా ఓ కారణంగా చెబుతున్నారు. ముద్రగడ దీక్ష అనంతరం మూడు నాలుగు రోజులకు గాని చిరంజీవి, దాసరి నారాయణ రావు వంటి నేతలు బయటకు రాలేదని అంటున్నారు.

అయితే ఇక్కడ జగన్ నుండి ముద్రగడ నేర్చుకోవాల్సింది చాలా ఉంది అంటూ కొంత మంది ప్రచారం నిర్వహిస్తున్నారు. జగన్ లాంటి నాయకుడు ఓ ప్రతిపక్ష నాయకుడు..  రైతుల కోసం .. విద్యార్థుల కోసం అంటూ దీక్షలు చేసే ఆయన కూడా చంద్రబాబు గురించి బాగా తెలిసి.. ఒళ్లు దగ్గర పెట్టుకుంటాడని.. మరి అలాంటిది జగన్ కు తెలిసినంత కూడా ముద్రగడకు తెలియదా..? అని ప్రశ్నిస్తున్నారు. జగన్ దీక్ష చేస్తే కేవలం రెండు, మూడు రోజుల టైం లిమిట్ పెట్టుకొనిదీక్ష చేస్తారు.. మరి ముద్రగడ మాత్రం అది ఎందుకు మర్చిపోయారు అని అంటున్నారు.

దీక్ష వల్ల ముద్రగడ అనుకున్నది సాధించినా కానీ దాని ప్రభావం జనాల్లో కనిపించకుండా పార్టీ శ్రేణుల సహాయంతో చంద్రబాబు చెక్ పెట్టగలిగారు. నిజానికి ముద్రగడ దీక్షకు దిగిన మూడు, నాలుగు రోజులకు పరిస్థితి తారుమారు కావాల్సింది. ఉద్రిక్తత మధ్య ప్రభుత్వం నుండి ఏదో ఒక నిర్ణయం రావాల్సి ఉండేది కానీ అలా జరగలేదు. ఓ రకంగా ముద్రగడ దీక్షతో రికార్డు కొట్టారని కూడా ప్రచారం జరుగుతోంది.

స్వతహాగా బీపీ, డయాబెటిక్ పేషెంటైన ముద్రగడ పద్మనాభం ఏకంగా 13 రోజులు ‘ఫీడింగ్’ లేకుండా నెట్టుకురావడాన్ని అందరూ ఆశ్చర్యంగా చెప్పుకుంటున్నారు. దీక్షల స్పెషలిస్ట్‌గా పేరు తెచ్చుకున్నజగన్ రెండు, మూడు రోజుల లిమిటెడ్ నిరాహార దీక్షలకే కమిటవుతున్నారు. రకరకాల డిమాండ్లతో టెంట్లేసుకుని దీక్షలు చేపట్టిన చాలామంది నేతలు, వాళ్లు సృష్టించిన రికార్డులు మూడునాలుగు రోజులకు మించి లేవు. ఈ క్రమంలో ముద్రగడ దీక్ష చరిత్రకెక్కి తీరుతుందంటూ కొంత మంది ముద్రగడ దీక్షపై సెటైర్లు వేస్తున్నారు.

Related posts:
జెండా తెచ్చిన తిప్పలు
సల్మాన్ పరిస్థితి రేప్ చేసిన మహిళగా మారిందట
నడిరోడ్డు మీద నరుకుతుంటే.. ఏం చేశారో తెలుసా..?
గోమూత్రంలో బంగారు.. నిజంగా నిజం
కూతురిని చంపేసింది.. ఎందుకంటే
మోదీ.. రంగుపడిందా..? చంద్రబాబు రంగుపోయిందా..?
ఆ కండోమ్ లకు వ్యతిరేకంగా ఆశా వర్కర్ల పోరాటం
బకరా మంత్రిని అనుకుంటున్నావా..? హరీష్ రావు ఆగ్రహం
ఆ ఎమ్మెల్యే వల్లే నయీం ఎన్ కౌంటర్ ..?
ప్రత్యేక హోదా పై ‘పవర్’ పంచ్
ప్రత్యేక హోదా వచ్చితీరుతుంది
పది వేల ఉద్యోగాలు పాయే... ఇదంతా చంద్రబాబు పుణ్యమే!
తట్టుకోలేకపోతున్న పాకిస్థాన్..... భారత్ దెబ్బకు ఒక్కిరిబిక్కిరి
సైరస్ మిస్ట్రీ ‘టాటా’.... కార్పోరేట్ లో ఓ మిస్టరీ
సోషల్ మీడియా పైత్యం.. ముందు వెనక ఆలోచించని వైనం
నోట్ల రద్దుపై బిల్ గేట్స్ ఏమన్నారంటే?
BSNL లాభం ఎంతో తెలుసా?
జియో భారీ ఆఫర్ తెలుసా?
పేటిఎంలో ‘ఎం’ ఎవరో తెలుసా?
గజిని మహ్మద్ గా మారిన రేవంత్
పాకిస్థాన్ లో కూడా నోట్లరద్దు
బ్యాంకోళ్ల బలి.. సినిమా కాదు రియల్
నగదుపై కేంద్రం గుడ్ న్యూస్
ఏపికి డబ్బేది? జగన్ ప్రశ్న

Comments

comments