జెండా తెచ్చిన తిప్పలు

KCR facing troubles with Nations Largest Flag

మూడు రంగుల జెండా.. ముచ్చటగొలిపే జెండా.. ఎగిరింది కనుల నిండా అని హైదరాబాదీలు అనుకుంటున్నారో లేదో అప్పుడే నాలుగు సార్లు జెండాను మార్చాల్సి వచ్చింది. దేశంలోనే అతి పెద్ద జెండాగా రికార్డుల్లోకి ఎక్కిన మన సంజీవయ్య పార్కు దగ్గరలోని 303 అడుగుల భారీ జెండా తెలంగాణ సర్కార్ కు కొత్త తిప్పలు పెడుతోంది. జాతీయ జెండా.. అంటేనే ఓ అంకిత భావం. జాతి గౌరవానికి జాతీయ జెండా ఓ ప్రతీక. అలాంటి జాతీయ జెండాను హుస్సేన్ సాగర్ కు దగ్గరలో.. హైదరాబాద్ నడిబొడ్డులో ఎగరవేయడం ద్వారా ప్రత్యేకతను చాటుకున్నారు కేసీఆర్.కానీ ఈ జెండా భారీగా ఉండటం వల్ల కలుగుతున్న ఇబ్బందులు ఇప్పుడు అధికారులతో పాటుగా కేసీఆర్ పై కూడా విమర్శలకు తావిస్తోంది.

జెండా స్తంభం ఎత్తు 303 అడుగులు.. ఇది దేశంలోనే పెద్దది. పతాకం 72 అడుగుల వెడల్పు, 108 అడుగుల పొడవు ఉంటుంది. 92 కిలోల బరువుంది. తెలంగాణ ప్రజలు, మరీ ముఖ్యంగా హైదరాబాదీలు ఎంతో గర్వించేలా కేసీఆర్ దేశంలోనే అతి పెద్ద జాతీయ జెండాను ఏర్పాటు చెయ్యాలనే ఆలోచన మంచిదే.. కానీ దాని వల్ల కలుగుతున్న ఇబ్బందులను కూడా ఎప్పటికప్పుడు పరిష్కరించగలగాలి. వారంలోనే నాలుగు సార్లు జెండా చిరిగిపోవడం వార్తల్లో నిలిచింది. చిరిగిన జెండాను ఎగరవేయకూడదు కాబట్టి వెంటనే దాన్ని కిందకు దించి… వేరే జెండాను ఎగరేశారు. కానీ గాలులు బలంగా ఉండటం వల్ల ఎగరేసిన ఒక జెండా.. అదనంగా ఉంచుకున్న రెండు జెండాలు కూడా చిరిగిపోయాయి. దాంతో జెండా స్థంభాన్ని ఖాళీగా ఉంచి.. జెండాలను కుట్టేందుకు దర్జీకి ఇచ్చారు.

ఈ జెండాల నిర్వహణ బాధ్యతను హెఎండిఎకు అప్పగించారు. జాతీయ జెండాను ఎగరవేసుందుకు ఏర్పాటు చేసిన జెండా స్థంభానికే కోటి 50లక్షలు ఖర్చు చేసింది రాష్ట్ర ప్రభుత్వం.ఇక సంవత్సరానికి 50లక్షల రూపాయలు జెండా నిర్వహణ కోసం కేటాయిస్తామని కూడా ప్రభుత్వం ప్రకటించింది. హైదరాబాద్ అందాలను రెట్టింపు చెయ్యాలన్న కేసీఆర్ ఆలోచన ఖచ్చితంగా స్వాగతించాల్సిందే.. కానీ జెండా ఏర్పాటు తర్వాత తలెత్తే సమస్యల గురించి ముందే సమీక్షించి ఉంటే బాగుండేది. అదీ కాక.. నిర్వహణకు భారీగా ఖర్చవుతున్న నేపథ్యంలో కూడా సన్నాయి నొక్కుల్లు వినిపిస్తున్నాయి. అలాగే హుస్సేన్ సాగర్ లో తిరిగే బోట్ లకు, సెయిలింగ్ చేసే వాళ్లకు ఇంత పెద్ద జెండా పరోక్షంగా ఇబ్బంది అనే వాదన కూడా వినిపిస్తోంది.

సంజీవయ్య పార్కు దగ్గర ఏర్పాటు చేసిన ఈ జాతీయ జెండా ఎక్కడనుండి చూసినా.. దూరంగా వేరే చోట ఉంది అనే ఫీల్ కలుగుతోంది. నెక్లెస్ రోడ్ నుండి, ట్యాంక్ బండ్ మీదకు వెళ్లే మోటరిస్ట్ లకు ఈ జెండా కనుల విందు చేయిస్తోంది. ఎన్టీఆర్ మార్గ్ కు వచ్చే వాళ్లకు దగ్గరి నుండి చూస్తున్న అనుభూతి వాళ్లకు తన్మయత్వాన్ని కలిగిస్తోంది. మొత్తానికి పర్యాటకులకు, రోడ్డు వెంట వెళ్లే చోదకులకు, సేదతీరేందుకు వచ్చే సేదకులకు జెండా ప్రధాన ఆకర్షణగా నిలుస్తోంది.

రాంచీ, రాయపూర్, దిల్లీ, ముంబైలలో దాదాపు 250 అడుగుల కంటే ఎత్తైన జెండాలు ఉన్నప్పటికీ వాటితో పెద్దగా సమస్య రాలేదు. కానీ హైదరాబాద్‌లో ఉన్న ఈ జెండా ఏర్పాటు చేసి కనీసం రెండు వారాలు కూడా గడవనే లేదు.. అప్పుడే ఆటంకాలు మొదలయ్యాయి. మరి దీని మీద కేసీఆర్ ప్రభుత్వం ఎలా శాశ్వత పరిష్కారాన్ని చూపుతుందో చూడాలి. ఒకటి మాత్రం వాస్తవం. హైదరాబాద్ అంటే ఓ చార్మినార్, ఓ బుద్దుడు, ఓ హైటెక్ సిటి ఎలాగో.. భవిష్యత్ లో ఈ జాతీయ జెండా కూడా ఐకాన్ గా ఖచ్చితంగా మారుతుంది.

Related posts:
కొవ్వుకు ట్యాక్స్.. కొవ్వెక్కువైందా..?
కేసీఆర్ ఆరోగ్యంపై కవిత ఏం చెప్పిందంటే..
అలా వస్తే పెట్రోల్ ఫ్రీ .. అది కూడా ఫుల్ ట్యాంక్
వత్తిళ్లతో ఆత్మహత్య చేసుకున్న ఎస్సై
నవాజ్.. ఆవాజ్ తగ్గించు
జలజగడానికి బ్రేక్.. అన్ని కాదు కొన్నింటికి ఓకే
ఆస్పత్రిలో కేబినెట్ మీటింగ్.. బయట హారతులు, పూజలు- ఏం జరుగుతోంది?
కొత్త జిల్లాల వెనక కేసీఆర్ రాజకీయ కుట్ర?
బాబు బండారం బయటపడింది
లష్కరే తాయిబా ఓ సైనిక గ్రూప్.... చైనా మీడియా విపరీత ధోరణి
లోకేష్ కు దిమ్మతిరిగే సమాధానం
ముందే కూయనున్న బడ్జెట్... మోదీ ప్రభుత్వం సరికొత్త ఆలోచన
మావోల లేఖ నిజమా? బాబు ఆడిన నాటకమా?
ఓటుకు నోటు కేసులో అవినీతిలేదా?
అమెరికా ఏమంటోంది?
అప్పు 60 రోజులు ఆగి చెల్లించవచ్చు.. కేంద్రం తీపి కబురు
మోదీ వాళ్లతో ఏం మాట్లాడారు?
బినామీలు భయపడే మోదీ ప్లాన్
BSNL లాభం ఎంతో తెలుసా?
ఆ 80 కోట్ల మందే టార్గెట్?
మమత జుట్టుపట్టుకుని దిల్లీలో..
అతి పెద్ద కుంభకోణం ఇదే
రోహిత్ వేముల విషయంలో బిజెపిని టార్గెట్ చేసిన పవన్
టిడిపి నేతల రికార్డింగ్ డ్యాన్సులు

Comments

comments