అప్పుడు కక్కుర్తి.. ఇప్పుడు కూల్చివేత?

KCR govt gave permission on that time but now order to demolish

హైదరాబాద్ నగరంలో గత కొద్ది రోజులుగా కురిసిన వర్షాలతో అతలాకుతమైంది. హైదరాబాదీలు తీవ్ర బాధలు ఎదుర్కొన్నారు. చాలా వరకు ఏరియాలు చెరువులను తలపించాయి. అయితే దీనిపై కేసీఆర్ సర్కార్ చర్యలకు ఉపక్రమించింది. అసలు ఈ సమస్య తలెత్తడానికి కారణం ఏంటా..? అని ఆరా తీసిన సర్కార్ కు చెరువుల దురాక్రమణ అంశం వెలుగులోకి వచ్చింది. వెంటనే సిఎం కేసీఆర్ నాళాలపై అక్రమంగా నిర్మించిన, చెరువుల భూములను ఆక్రమించి నిర్మించిన అన్ని కట్టడాలను వెంటనే కూల్చివెయ్యాలని ఆదేశాలు జారీ చేశారు. అక్రమ నిర్మాణాలు ఎంతటి వాళ్లవైనా.. ఎంపీవైనా..మంత్రివైనా కూడా కూల్చాల్సిందే అని తేల్చిచెప్పారు.

దాంతో రంగంలోకి దిగిన జిహెచ్ఎంసీ అధికారులు వెంటనే కూల్చివేతలకు తెర తీశారు. నగరంలోని చాలా చోట్ల అక్రమంగా నిర్మించిన కట్టడాలను కూల్చివేశారు. అయితే ఇక్కడ గమనించాల్సింది ఒకటి. అసలు సమస్య ఎక్కడ వచ్చింది అనేదే. గత పాలకుల నిర్లక్ష్యం కారణంగానే ఇది జరిగింది అన్న వాఖ్యాలు దీనికి సరిపోవు. మరి దీనికి కారణం ఇప్పటి పాలకులది కాదు అని అనడానికి కూడా వీలులేదు. భాగ్యనగరాన్ని విశ్వనగరాన్ని చేస్తామని ఊదరగొట్టిన కేసీఆర్ సర్కార్ కూడా నిర్వాకంలో చేతులు కలిపింది. అందునా గత ప్రభుత్వాల కంటే ఈ ప్రభుత్వం కొంత ఎక్కువే పాపాన్ని మూటగట్టుకుంది.

జిహెచ్ఎంసీ ఎన్నికల టైంలో హైదరాబాద్ లో అక్రమంగా నిర్మించుకున్న కట్టడాలను క్రమబద్దీకరించుకునే వెసలు బాటు కల్పించింది కేసీఆర్ ప్రభుత్వం కాదా..? నీటి కనెక్షన్లు అక్రమంగా తీసుకున్నా పర్లేదు.. కానీ రెగ్యులరైజ్ చేయించుకుంటే సరిపోతుంది అని స్వాగతించింది ఎవరు..? మరి అప్పుడు మీరు ఏం కట్టుకున్నా.. ఎలా కట్టుకున్నా కానీ స్వాగతిస్తామని తలుపులు బార్లాతెరిచిన కేసీఆర్ సర్కార్ ఇప్పుడు మాత్రం తమ తప్పు ఏమీలేదు అన్నట్లు నీతులు చెబుతున్నారు. నాళాల మీద అక్రమంగా నిర్మించిన కట్టడాలను వెంటనే కూల్చివేసేందుకు ఆర్డర్లిచ్చారు. మరి అప్పుడు ఎన్నికల టైంలో కేసీఆర్ కు ఆ అక్రమ కట్టడాల కన్నా ఓటు బ్యాంకు కనిపించింది అన్న మాట వాస్తవమో కాదో అందరికి తెలుసు.

Related posts:
పొలిటికల్ మైలేజ్ కోసం పులిరాజాలు
మహేష్ పొలిటికల్ ఎంట్రీపై మోహన్ బాబు ఏమన్నాడంటే..
టిఆర్ఎస్‌తో బిజెపి మైండ్ గేమ్
తెలుగు రాష్ట్రాల మధ్య హైకోర్టు ఫైట్..టిఆర్ఎస్ కు ఐదు లాభాలు
ఉగ్రవాదుల టార్గెట్ హైదరాబాద్ ఎందుకు..?
న్యూస్ ఛానల్సా..? న్యుసెన్స్ ఛానల్సా..??
ఉగ్రవాదిలో చూడాల్సింది.. మతమా..? మారణహోమమా..?
చెట్టు చెట్టే.. చిరంజీవి చిరంజీవే.. రెండు నాలుకలు
ఆ రెండు బాణాలు మోదీ వైపే..?
బాబు నిర్లక్ష్యానికి సచివాలయమే సాక్షి
జనాలకు ‘బూతు’లొస్తున్నాయ్.. (ప్రత్యేక సాయం అంటేనే)
మూడింటికి తేడా ఏంటి..?
ఓటమి వైపే చంద్రబాబు అడుగులు
తప్పించుకోవచ్చు.. చంద్రబాబుకు అదొక్కటే అవకాశం
అప్పుడు రాముడు.. ఇప్పుడు చంద్రుడు
ఇష్టానుసారంగా జిల్లాలు... బ్రతిమాలినా-బెదిరించినా-రాజీనామా చేసినా చాలు
టిఆర్ఎస్ లో వర్గపోరు.. వరంగల్ నుండే
ఆస్పత్రులే నరకానికి రహదారులు?
వర్షాలు పడితే సిఎంలు చనిపోతారా?
నోట్ల మీద బ్యాన్ తొలిసారి కాదు
మోదీని పాక్ కూడా ఫాలోఅవుతుందా?
మోదీతో కేసీఆర్ ఏం మాట్లాడతారు?
జనం అవస్థలను కళ్లకుకట్టిన జగన్
జయలలిత జీవిత విశేషాలు

Comments

comments