వైసీపీలోకి అందరూ ఆహ్వానితులే

Leaders from All parties joining into YSRCP

ఏపిలో వైసీపీ అధినేత చల్లగా తన పని తాను చేసుకుంటూపోతున్నారు. ఓ పక్క పార్టీని ప్రజల్లోకి తీసుకెళుతూనే, ప్రభుత్వం చేస్తున్న తప్పులను వేలెత్తిచూపుతున్నారు. అదేటైంలో అధికార పార్టీ వల్ల విసిగిపోయిన లేదంటే విపక్షాల్లో సర్దుకోలేని వారిని తమ పార్టీలోకి ఆహ్వానిస్తున్నారు. గతకొంత కాలంగా వైసీపీలో వలసల పర్వం బాగా ఊపందుకుంది. చంద్రబాబు నాయుడు మీద ఉన్న వ్యతిరేకతను వైయస్ జగన్ వలసల ద్వారా పార్టీని బలోపేతం చేసుకుంటున్నారు అనేదాంట్లో ఎలాంటి అనుమానాలు లేవు. తాజాగా జరుగుతున్న వలసలతో తెలుగు తమ్ముళ్లలో మరింత భయం పట్టుకుంది.

తాజాగా విజయవాడ పశ్చిమ నియోజకవర్గం మాజీ ఎమ్మెల్యే, బీజేపీ నేత‌ వెల్లంపల్లి శ్రీనివాస్‌ వైఎస్‌ఆర్‌ సీపీ తీర్థం పుచ్చుకున్నారు. వైఎస్‌ఆర్‌ సీపీ అధ్యక్షుడు, ప్రతిపక్ష నేత వైఎస్‌ జగన్‌ మోహన్‌ రెడ్డి సమక్షంలో ఆయన తన అనుచరులతో కలసి పార్టీలో చేరారు. హైదరాబాద్‌ లోని పార్టీ ప్రధాన కార్యాలయంలో వైఎస్‌ జగన్‌ వారికి కండువాలు కప్పి పార్టీలోకి ఆహ్వానించారు. ఈ సందర్భంగా శీనన్నను కళ్లలో పెట్టిచూసుకుంటాం అన్న వ్యాఖ్యలు వెల్లంపల్లి శ్రీనివాస్‌ అనుచర వర్గాల్లో ఉత్సాహాన్ని నింపాయి. అలాగే వచ్చిన ప్రతి కార్యకర్తతో ఆయన మాట్లాడిన తీరు అందరికి ఆశ్చర్యాన్ని, ఆనందాన్ని కలిగించింది.

కాగా వైసీపీలోకి గత కొంత కాలంగా చేరికలు పెరుగుతున్నాయి. ఇప్పటికే అధికారపక్ష నాయకులు వైసీపీ పార్టీలోకి చేరుతుంటే ఇప్పుడు మిగిలిన కాంగ్రెస్, బిజెపి నాయకులు కూడా చేరుతుండటం అక్కడి రాజకీయ సమీకరణలను మారుస్తోంది. అంతకు ముందు తూర్పుగోదావ‌రి జిల్లాకు చెందిన మాజీ ఎమ్మెల్సీ కందుల దుర్గేష్ వైఎస్ఆర్‌సీపీలో చేర‌గా, ఇవాళ విజయవాడ పశ్చిమ నియోజకవర్గం మాజీ ఎమ్మెల్యే, బీజేపీ నేత‌ వెల్లంపల్లి శ్రీనివాస్‌ వైఎస్‌ఆర్‌ సీపీలో చేరారు.

చంద్రబాబు ఎన్నిక‌ల స‌మ‌యంలో చెప్పిందేంటీ? అధికారంలోకి వ‌చ్చాక చేస్తుంది ఏంట‌నీ జ‌నం నిల‌దీస్తున్నార‌ని, ఇందుకు వెల్లంప‌ల్లి శ్రీ‌నివాస్ చేరిక‌నే నిద‌ర్శ‌న‌మ‌న్నారు వైసీపీ అధినేత జ‌గ‌న్. రాష్ట్ర రాజ‌ధాని కేంద్ర‌మైన విజ‌య‌వాడ‌లో పార్టీ బ‌లోపేతం కోసం శ్రీ‌నును పార్టీలోకి ఆహ్వానిస్తున్న‌ట్లు, ఆయ‌న్ను కుటుంబ స‌భ్యుడిలా గుండెల్లో పెట్టుకుంటాన‌ని చెప్పారు. బాబు స‌ర్కార్‌ను బంగాళ‌ఖాతంలో క‌లిపే రోజు ద‌గ్గ‌ర్లోనే ఉందన్నారు. బాబును నిల‌దీసేందుకు జ‌నం సిద్ధ‌మ‌య్యార‌ని, త్వ‌ర‌లోనే ఇది దావ‌ానంలా వ్యాపిస్తుంద‌ని వైఎస్ జ‌గ‌న్ చెప్పారు.

Related posts:
రూపాయికి ఎకరా.. ఇస్తావా చంద్రబాబు?
ఆరిపోయే దీపంలా టిడిపి?
బాబుకు వ్యతిరేకంగా తమిళనాడు ప్రభుత్వం
రాజ్యసభలో ‘వేశ్య’ వ్యాఖ్యపై దుమారం
గ్రౌండ్ లో రాందేవ్ బాబా ఏం చేశాడంటే..
స్వర్ణలత భవిష్యవాణి ఏమంటోంది..?
లీకేజ్ దెబ్బకు ఎంసెట్2 రద్దు
పెళ్లిలో రక్తపాతం.. 51 మంది మృతి
ఏపీకి టోపీ..ప్రత్యేక హోదా లేదు....!
ప్రత్యేక హోదాపై జగన్ చిత్తశుద్ధి
చంద్రబాబుకు 15 రోజులకు ఒకసారి కాపుగండం
సోషల్ మీడియా పైత్యం.. ముందు వెనక ఆలోచించని వైనం
చిల్లర కష్టాలకు ఎన్.బి.ఐ ఉపశమనం
వంద, యాభై నోట్లు ఉంటాయా?
1075కు ఫోన్ చేస్తే ఫ్రీగా డాక్టర్ల సలహాలు
దేశభక్తి మీద సైనికుడి సమాధానం
థియేటర్లో ఆ పాటకు లేచినిల్చోవాల్సిందే
ఆ 80 కోట్ల మందే టార్గెట్?
ఆ నోట్లను ఏం చేయబోతున్నారంటే..
వార్దాకు వణికిపోతున్న చెన్నై
నగదుపై కేంద్రం గుడ్ న్యూస్
మొబైల్ వ్యాలెట్లు సెక్యూర్ కాదు
పార్టీ నుండి ముఖ్యమంత్రినే సస్పెండ్ చేశారు ఎందుకంటే..
అప్పట్లో కోటు..ఇప్పుడు పెన్ను

Comments

comments