తెలుగువాళ్లను వెర్రివెంగళప్పలను చేస్తున్నారే..?!

Modi-on-Telugu-people

భారత ప్రధాని నరేంద్ర మోదీ విదేశాల్లో, దేశంలో చాలా చోట్ల ఆయనకు బ్రహ్మరథం పట్టవచ్చు కానీ ఆయన మాత్రం తెలుగు వారిని వెర్రి వెంగళప్పలను చేస్తున్నారు. అదేంటి మోదీ అందరి అభివృద్ది కోసమే కదా పని చేస్తున్నారు అని అనుకుంటున్నారా..? కానీ తెలుగు వారి విషయానికి వస్తే ఇక్కడ కండీషన్స్ అప్లై అన్నట్లుంది వ్యవహారం. తెలుగు వారి గురించి ఎన్నికల టైంలో చేసిన ప్రకటనలు, మాట్లాడిన మాటలు వింటే ముక్కున వేలేసుకుంటారు. మరి ఇప్పుడు అదే తెలుగు వాళ్లకు ఆయన చేసిందేముంది అనే దానికి సమాధానం వెతికే ప్రయత్నం చెయ్యకండి. ఎందుకంటే సమాధానం దొరకడం కొంచెం కష్టంకాబట్టి.

తెలుగు వాళ్లు మా గుజరాత్… మా సూరత్ లో ఉన్నారు. వాళ్లను ఎప్పుడూ మా ఇంటి వాళ్లలాగానే చూసుకుంటాం అంటూ మాట్లాడారు మోదీ. కానీ ఇప్పుడు తెలుగు వారి ఇళ్లు దారుణంగా మారాయి. ఉమ్మడి రాష్ట్రం రెండుగా విడిపోయిన తర్వాత సవాళ్ల మధ్యన పడవలేసుకు నడుస్తున్నాయి తెలుగు రాష్ట్రాలు. ఇటు తెలంగాణకు, అటు ఆంధ్రప్రదేశ్ కానీ ఆయన చేసిందేమీ లేదు. కేంద్రం నుండి ఎలాంటి సహాయం కావాలన్నా కూడా తాము ముందుండి.. అడగక ముందే చేస్తామని చెప్పిన మోదీ కనీసం ఎంగిలి చేయిని కూడా విదల్చడం లేదు.

ఏపిలో పరిస్థితి దారుణంగా ఉంది. అక్కడ ద్రవ్యలోటు ఉంది. దాన్ని పూడ్చేందుకు కేంద్రం నిధుల సహాయం చెయ్యాలి. దిల్లీ వెళ్లి చంద్రబాబు నాయుడు దానిపై మోదీకి లేఖలు అందిస్తారు.. సరే మోదీని కలిశారు కదా అని ఏదో ఫార్మాల్టికి వెయ్యకోట్లు విడుదల చేసి మేం సహాయం చేశాం… మీరు ఊహించనంత సహాయం చేస్తాం అంటూ ప్రకటిస్తారు. ప్రత్యేక హోదా గురించి పట్టించుకోవడమే మానేశారు.. నిధుల గురించి మాట్లాడితే ఉలకరుపలకరు. మరి ఏపిలో ఎన్నికల టైంలో తెలుగుదేశం పార్టీతో పొత్తు పెట్టుకున్న బిజెపి నాయకులు, అందునా మోదీ ఇలానేనా చేసేది అంటే రాజకీయం అంటే ఇదేరా అన్నట్లు సమాదానాలు వస్తున్నాయి.

ఇక ముందు నుండి కూడా తెలంగాణలో టిఆర్ఎస్ తో సానుకూల వాతావరణం లేదు. దాంతో టిఆర్ఎస్ తో పొత్త చర్చలు కూడా జరగలేదు. దాంతో కేంద్రంలో బిజెపి పార్టీ అధికారంలోకి వచ్చినా ఇక్కడి టిఆర్ఎస్ పార్టీ అధికారంలో ఉన్న నేపథ్యంలో ఎలాంటి సహాయం చెయ్యడం లేదు. తెలంగాణ స్వతహాగా పైకి ఎదుగుతున్న రాష్ట్రం మిగులు బడ్జెట్ ఉన్న రాష్ట్రం అంటూ సవాలక్ష కారణాలు చూపిస్తూ.. చివరకు చేతికి చిల్లి గవ్వ కూడా ఇవ్వకుండా టైంపాస్ చేస్తున్నారు. మొత్తానికి మోదీ తెలంగాణ, ఏపిలలో తెలుగు వాళ్లను వెర్రివెంగళప్పలను చేసి.. కాలం వెల్లదీస్తున్నారు. మరి దీనిపై తెలుగు వాళ్లు ఎన్నికల్లో ఎలా సమాధానమిస్తారో చూడాలి.

Related posts:
తెలుగు రాష్ట్రాల మధ్య హైకోర్టు ఫైట్..టిఆర్ఎస్ కు ఐదు లాభాలు
ఉగ్రవాదిలో చూడాల్సింది.. మతమా..? మారణహోమమా..?
తండ్రి కోటీశ్వరుడు.. కొడుకు కూలి(రియల్ స్టోరీ)
‘గతుకుల’ హైదరాబాద్ అసలు లోపం అదే
ఏపిలో రాజకీయానికి నిదర్శనం వాచ్ మెన్ రాందాస్
బిజెపితో టిఆర్ఎస్ దోస్తీ.. టిడిపిలో ముసలం
పవన్, అల్లు అర్జున్ పాటలపై గరికపాటి సెటైర్లు
పివి సింధు విజయం.. వెనక రాజకీయం
మెగా ఫ్యామిలీ పొలిటికల్ స్కెచ్
ఉక్కిరిబిక్కిరి
బ్రీఫ్డ్‌మీ (నిన్నొదల)
మూడింటికి తేడా ఏంటి..?
మద్యల నీ గోలేంది..?
కర్ణాటక, తమిలనాడుల మధ్య కావేరీ వివాదం
కాపు ఉద్యమం+ప్రత్యేక హోదా ఉద్యమం - చంద్రంబలి
అదీ హామీ అంటే.. ఫీరీయింబర్స్మెంట్ 100శాతం
అల్లుడికి పండగ.. మామకు పరేషాన్
పవన్ పనికిమాలిన స్ట్రాటజీ అదే!
కేవలం 57 సీట్లు మాత్రమే ఎందుకు?
లోకేష్ వారసుడిగా కూడా పనికిరాడా..?
వర్షాలు పడితే సిఎంలు చనిపోతారా?
మోదీ కరెన్సీ ప్లాన్ ఇంతకీ తప్పా? ఒప్పా?
కుక్కలు చించిన విస్తరే.. ఎన్టీఆర్ పార్టీ పెడితే
మోదీని వేధిస్తున్న ఏటీఎం కష్టాలు

Comments

comments