తెలంగాణకు ప్రత్యేక అండ

telangana

Central Minister Arun Jaitley assured to telangana for special support. Telanagana Minister KTR Met Arun Jaitley on Bifurcation law.

ఏపికి ప్రత్యేక సహాయానికి కేంద్రం ముందుకు వచ్చింది. ఈమేరకు ఏపికి ఎలాంటి సహాయం చెయ్యబోతోందో కేంద్రం పిఐబి వెబ్ సైట్ లో పొందుపరిచారు. కాగా ఉమ్మడి ఆంధ్రప్రదేశ్ ను రెండు రాష్ట్రాలుగా ఏర్పాటు చేసిన తర్వాత ఏర్పడ్డ ఏపికి కేంద్రం సహాయానికి ముందుకు రావడంతో ఇప్పుడు తెలంగాణ కూడా సహాయాన్ని కోరుతోంది. ప్రస్తుతం ఆంధ్రప్రదేశ్ రాష్ర్టానికి ఐదేళ్లపాటు ఇచ్చే రాయితీలను, పారిశ్రామిక ప్రోత్సాహకాలను, వెనుకబడిన ప్రాంతాల అభివృద్ధి నిధులను తెలంగాణకు కూడా వర్తింపజేయాలని తెలంగాణ కోరుతోంది.

తెలంగాణలో వనరులు పుష్కలంగా ఉన్నప్పటికీ సమైక్య రాష్ట్ర పాలనలో ఉద్దేశపూర్వక నిర్లక్ష్యం కారణంగానే వాటిని అనుభవించలేకపోయిందని, ఫలితంగా తీవ్ర అన్యాయానికి గురైందని కేటీఆర్ అరుణ్ జైట్లోతో భేటీ తర్వాత అన్నారు. వివక్ష కారణంగానే ప్రజలు పోరాడి, ఉద్యమించి, త్యాగాలు చేసిన తర్వాత రాష్ర్టాన్ని సాధించుకుని మిగిలిన రాష్ర్టాలతో పోటీపడుతూ ముందుకు దూసుకుపోతూ ఉన్నదని చెప్పారు.త్యాగాలు చేసి వెనుకబాటుతనం నుంచి బయటపడిన తెలంగాణ ఇప్పుడు పునర్వ్యవస్థీకరణ చట్టంలోని హామీలన్నింటినీ పూర్తిస్థాయిలో నెరవేర్చాలని కేంద్రాన్ని కోరుతున్నదని కేటీఆర్ తెలిపారు.

నీతి ఆయోగ్ సైతం మిషన్ భగీరథకు 19,205 కోట్లు, మిషన్ కాకతీయకు 5000 కోట్లు ఇవ్వాలని కేంద్ర ఆర్థిక మంత్రిత్వశాఖకు సిఫారసు చేసిన విషయాన్ని గుర్తు చేశానని తెలిపారు. దీన్ని అమలులోకి తేవాలని కోరామన్నారు. కేంద్ర ప్రభుత్వం గతంలో వెనుకబడిన జిల్లాలకు అభివృద్ధి కోసం ఏటా 50 కోట్ల నిధులను కేటాయించిందని, తెలంగాణలోని మొత్తం పది జిల్లాల్లో తొమ్మిది వెనుకబడి ఉన్నట్లుగా కేంద్రమే గుర్తించిందని గుర్తుచేశారు. ఈ మూడేళ్లలో ఒక్కసారి మాత్రమే 450 కోట్ల నిధులు విడుదలయ్యాయని, ఇంకా రెండు విడుతల నిధులు విడుదల చేయాలని కోరినట్లు తెలిపారు. ఆంధ్రప్రదేశ్ రాష్ర్టానికి ఇప్పటికే మూడు విడతలుగా విడుదల చేసిన కేంద్ర ప్రభుత్వం 2020 వరకు ఇవ్వనున్నట్లు ప్రకటించిందని, పునర్వ్యవస్థీకరణ చట్టం ప్రకారం తెలంగాణకు కూడా విడుదల చేయాలని కోరినట్లు తెలిపారు.

ఆంధ్రప్రదేశ్ పునర్వ్యవస్థీకరణ చట్టంలోని సెక్షన్ 94లో పేర్కొన్నట్లుగా పన్ను రాయితీలు, పారిశ్రామిక ప్రోత్సాహకాలు, ఆర్థిక వనరులు సమకూర్చాల్సి ఉందని కేటీఆర్ అరుణ్ జైట్లీని కోరినట్లు తెలుస్తోంది. ఏపీకి ఐదేళ్ల వరకు వీటిని సమకూర్చనున్నట్లు కేంద్ర ప్రభుత్వం హామీ ఇచ్చిన దృష్ట్యా అదే చట్టం ప్రకారం తెలంగాణకు కూడా ఇవ్వాలని కోరామని తెలిపారు. తెలంగాణకు కూడా ఈ రకంగానే న్యాయం చేయాలని, వివక్ష లేని విధంగా కేంద్రం చర్యలు తీసుకోవాలని స్పష్టం చేశారు. ఏపీకి న్యాయం చేయడంపై లేదా ఆర్థిక వనరులు సమకూర్చడంపై తెలంగాణకు ఎలాంటి అభ్యంతరం లేదని, అయితే తెలంగాణను మరిస్తే  ప్రజలు తప్పుబట్టే ప్రమాదం ఉంటుందని, అది లేకుండా చూసుకోవాలని మంత్రికి వివరించినట్లు కేటీఆర్ తెలిపారు.

కాగా తెలంగాణ మంత్రి కేటీఆర్ భేటీ తర్వాత అరుణ్ జైట్లీ కూడా సానుకూలంగా స్పందించినట్లు తెలుస్తోంది. అరుణ్ జైట్లీ కేంద్రం తెలంగాణ సర్కార్ కు బాసటగా నిలుస్తోందని భరోసా ఇచ్చినట్లు తెలుస్తోంది. వెనకబడిన జిల్లాల దగ్గరి నుండి విభజన చట్టంలోని అన్ని హామీలను తాము నెరవేరుస్తామని అరుణ్ జైట్లీ స్పష్టం చేసినట్లు తెలుస్తోంది. కాగా దీనిపై కేటీఆర్ కు ప్రత్యేక అండ ఇస్తామని కేంద్ర ఆర్థిక మంత్రి తెలిపినట్లు తెలుస్తోంది. మొత్తానికి అరుణ్ జైట్లీ ఏపికి ప్రత్యేక సహాయాన్ని, తెలంగాణకు ప్రత్యేక అండకు ముందుకు వచ్చారు.

Related posts:
ఎందుకు యాసిడ్ దాడి చేసిందో తెలిస్తే షాక్..
తెలంగాణలో పచ్చదనం కోసం ఫైరింజన్లు
గ్రౌండ్ లో రాందేవ్ బాబా ఏం చేశాడంటే..
పివి సింధుపై ట్విట్టర్ ఏమని కూసిందో తెలుసా..?
మీది ఏ జిల్లా..? ఇదీ తంటా
గుత్తాజ్వాల, సైనా గురించి సింధూ చెప్పిన నిజాలు
ఆ సినిమా స్టోరీలన్నీ చంద్రబాబు నాయుడివే...?!
తట్టుకోలేకపోతున్న పాకిస్థాన్..... భారత్ దెబ్బకు ఒక్కిరిబిక్కిరి
తలాక్ తాట తీస్తారా..? ఉమ్మడి పౌరస్మృతి వస్తుందా?
బాబు కుటుంబానికి వార్నింగ్.. ఆత్మాహుతి దాడికి సిద్ధం అంటూ మావోల లేఖ
రాహుల్ గాంధీకి మోక్షం..అంతా సిద్ధం
బాకీలను రద్దు చేసిన SBI
నోట్లపై గాంధీ బొమ్మ తొలగించాలట!
భారత్‌కు స్విస్ అకౌంట్ల వివరాలు
మరో బాంబ్ పేల్చిన నరేంద్ర మోదీ
BSNL లాభం ఎంతో తెలుసా?
ట్రంప్, పుతిన్ లను మించిన మోదీ
తమిళనాట అప్పుడే రాజకీయాలా?
హైదరాబాద్‌లో కూలిన బిల్డింగ్
జయ లేకున్నా తంబీలు అది మాత్రం
వాళ్లకు ఇదే చివరి అవకాశం
మోదీ మీద మర్డర్ కేసు!
ఏపికి డబ్బేది? జగన్ ప్రశ్న
ఓ కుక్క 600 కిమీల శబరిమల యాత్ర

Comments

comments