చెరువుల్లో ఇక చేపలే చేపలు

Telangana govt will shed fish into fish ponds

తెలంగాణలో ఆనందం వెల్లవిరుస్తోంది. గత వారం, పది రోజులుగా కురుస్తున్న వర్షాలతో జలాశయాలు, చెరువులు అన్ని కూడా నిండుకుండల్లాగా మారాయి. తెలంగాణలో కుండపోతగా కురిసిన వర్షాలతో మొత్తం నీటితో కళకళలాడుతున్నాయి. అయితే దీని మీద తెలంగాణ సర్కార్ మరోకొత్త ఆలోచనతో ముందుకొచ్చింది. చెరువులు నిండిన నేపథ్యంలో చేపల పెంపకాన్ని ప్రోత్సహించేందుకు ప్రభుత్వం సిద్ధమైంది. అక్టోబర్ 3 నుంచి ఈ కార్యక్రమం మొదలుకావాలని సీఎం కేసీఆర్ ఆదేశించారు.

తెలంగాణ సర్కార్ ఎంతో ప్రతిష్టాత్మకంగా నిర్వహిస్తున్న మిషన్ కాకతీయ వల్ల చెరువులు నిండాయి. నిన్నటి దాకా బీటలుబారిన భూమిలో ఇప్పుడు నీళ్లతో నిండిపోయాయి. వర్షాలతో నిండుగా నిండిన చెరువు మరింత అందంగా కనిపించాలంటే – దాంట్లో చేపపిల్లలు చెంగుచెంగున దూకాల్సిందే. కొర్రమీను పిల్లలు కొత్తనీటి పులుపు తాగాల్సిందే. చేపకూ చెరువుకు తెగిపోయిన బంధానికి- పూర్వవైభవం తేవాలన్నదే సీఎం కేసీఆర్ సంకల్పం. అందుకే నిండిన చెరువుల్లో తెప్పలుగా చేపపిల్లలు పెంచాలని సీఎం నిర్ణయించారు. 48 కోట్ల రూపాయలతో 4వేల 533 చెరువుల్లో సుమారు 35 కోట్ల చేపపిల్లలు పెంచడానికి ప్రణాళిక సిద్ధమైంది. అక్టోబర్ 3 నుంచి ఈ కార్యక్రమాన్ని తెలంగాణ వ్యాప్తంగా విజయవంతం చేయాలని సీఎం ఆదేశించారు.

చేపల పెంపకం ద్వారా తెలంగాణ పల్లెలు స్వయం సమృద్ధి సాధిస్తాయని సీఎం కేసీఆర్ ఆశాభావం వ్యక్తం చేశారు. చేపల పెంపకం వల్ల ముదిరాజులు, బెస్తవారితో పాటు ఇతర కులాలకు చెందిన చేపల పెంపకందారుల సొసైటీ సభ్యుల జీవితాల్లో వెలుగులు నిండుతాయని సీఎం అభిప్రాయపడ్డారు. పల్లెల్లో చేపల పెంపకమనేది ప్రధాన ఆదాయ వనరుగా ఉండాలని పేర్కొన్నారు. గత ప్రభుత్వాలు తూతూ మంత్రంగా చేపట్టిన చేపల పెంపకం వాటిపై ఆధారపడిన కుటుంబాలను ఏమాత్రం ఆదుకోలేకపోయిందని సీఎం కేసీఆర్ విమర్శించారు. కేంద్రం నుంచి వచ్చిన సహకారం కూడా అంతంతమాత్రంగా ఉండేదని గుర్తు చేశారు. వందలాది సొసైటీలుంటే- ఐదారు సొసైటీలకు మాత్రమే లబ్ది చేకూరిందని సీఎం అన్నారు.

గత ప్రభుత్వాలు ఏనాడూ చేపల పెంపకాన్ని ప్రభుత్వ కార్యక్రమంగా చేపట్టలేదని విమర్శించారు. ఆ ప్రభుత్వాలు నిర్ధేశించిన యాభై శాతం సబ్సిడీ కూడా భారమైపోయిందని చెప్పారు. అందుకే మత్య్సకారులను ఆదుకుని, వారిని ఆర్ధికంగా పరిపుష్టం చేయాలని సీఎం అన్నారు. ఈ నేపథ్యంలోనే వంద శాతం ఉచితంగా చేపపిల్లలను సరఫరా చేయాలని ప్రభుత్వం నిర్ణయించింది. దీంతోపాటు మత్య్సకారులకు స్కిల్ డెవలప్ మెంట్ తో పాటు అనుబంధ శిక్షణ తరగతులను కూడా ప్రభుత్వం చేపట్టబోతోంది. మొత్తానికి తెలంగాణ సర్కార్ తీసుకున్న నిర్ణయం గనక సఫలీకృతం అయితే మాత్రం తెలంగాణలోని ప్రతి పల్లె ఆర్థికంగా బలపడేందుకు అవకాశం లభిస్తుంది.

Related posts:
ఎవరీ జకీర్..? ఉగ్రవాదులతో సంబందం ఏంటి..?
కేసీఆర్ ఆరోగ్యంపై కవిత ఏం చెప్పిందంటే..
రాజ్యసభలో ‘వేశ్య’ వ్యాఖ్యపై దుమారం
టర్కీలో మూడు నెలల ఎమర్జెన్సీ
మల్లన్న సాగర్ కు లైన్ క్లీయర్.. హరీష్ ఆనందం
గోరక్షక్ పై మోదీ మాట.. అసదుద్దీన్ మాటకు మాట
జగన్ బాణాన్ని పార్టీ వీడేది లేదు
స్వర్ణం సాధిస్తే హైదరాబాద్ రాసిచ్చే వారేమో...
రైనోకు పిఎంను మించిన సెక్యూరిటీ ఎందుకంటే
వేలకోట్ల అధిపతి (అక్రమాల్లో..)
బాబు గారి అతి తెలివి
పవన్ కు తిక్కుంది.. కానీ లెక్కేది?
నోట్ల రద్దుపై బిల్ గేట్స్ ఏమన్నారంటే?
ఇక ఐటీ ప్రతాపం.. అకౌంట్లో లిమిట్ మించితే షాకే
1075కు ఫోన్ చేస్తే ఫ్రీగా డాక్టర్ల సలహాలు
ప్రభుత్వం ఓడింది.. ప్రజలూ ఓడిపోయారు
జైలు నుండి పరారైన ఉగ్రవాది దొరికాడు
వడ్డీ రేట్లు తగ్గుతున్నాయ్?
ఆ పెళ్లి గురించి మోదీకి తెలుసా?
ఉద్యోగాలు ఊస్టింగేనా ?
ఏపికి డబ్బేది? జగన్ ప్రశ్న
ఇక మీ వాళ్లకు ఫోన్ ద్వారా ముద్దులు పెట్టుకోవచ్చు
టిడిపి నేతల రికార్డింగ్ డ్యాన్సులు
షీనా బోరా కేసులో కొత్త ట్విస్ట్

Comments

comments