ఆ రెండు బాణాలు మోదీ వైపే..?

Those two weapons targets Nerandra Modi

ఏపికి ప్రత్యేక హోదా కోసం నిరసన గళాలు గట్టిగా వినిపిస్తున్నాయి. రాజ్యసభలో ఏపికి ప్రత్యేక హోదా కల్పించాలని డిమాండ్ కు ప్రభుత్వం నుండి ప్రతికూలంగా స్పందన రావడం.. కేంద్రం ప్రత్యేక హోదా కాకుండా మిగిలిన వాటిపై దృష్టిసారించాలని స్పష్టం చెయ్యడం ఉద్రిక్తతలకు దారితీసింది. మోదీ సర్కార్ ను అన్ని రకాలుగా ఇబ్బందిపెట్టడానికి ఏపి నుండి ప్లాన్ సిద్దమవుతోంది. రాజ్యసభలో ఏపికి ప్రత్యేక హోదా కల్పించాలన్న డిమాండ్ కు ప్రభుత్వం నుండి ఎలాంటి స్పందన రాకపోవడంతో చివరకు ఆందోళనకు సిద్దమయ్యారు తెలుగు తేజాలు.

ముందు నుండి కేంద్రం చేత ప్రత్యేక హోదాపై సానుకూలంగా కాకున్నా.. దాదాపుగా ప్రత్యేక హోదా కల్పిస్తే కలిగే అన్ని ప్రయోజనాలను కల్పించేలా చంద్రబాబు సర్కార్ చేస్తుంది అనే ఓ నమ్మకం ఉండేది. కానీ పరిస్థితి మారింది.కేంద్ర సర్కార్ వాయిస్ మారింది. రాజ్యసభలో మిత్రపక్షం నుండి దెబ్బ ఉంటుంది అని కూడా ఆలోచించకుండా అరుణ్ జైట్లీ, వెంకయ్య నాయుడులు రకరకాలుగా ప్రకటనలు చేశారు. దీంతో చంద్రబాబు నాయుడు కూడా గేర్ మార్చినట్లు కనిపిస్తోంది. పార్లమెంట్లో జరిగిన చర్చ తర్వాత టిడిపి అనుసరించాల్సిన వైఖరిపై చంద్రబాబు సీరియస్ గా స్పందించారు.

కేంద్ర ప్రభుత్వం రాష్ట్రానికి చేసిందేమీ లేదని కూడా చంద్రబాబు స్పష్టం చేశారు. నిధులు లేవని తెలిసి కేంద్రం ఎందుకు రాష్ట్రాన్ని విభజించారు అని మండిపడ్డారు. కాగా ఇక్కడ గమనించాల్సినఅ అంశం ఏంటంటే.. చంద్రబాబు నాయుడు నిన్నటి దాకా కేంద్ర ప్రభుత్వం ప్రత్యేక హోదా ఇచ్చే సూచనలు లేవని తెలిసినా కూడా ఎక్కడా కూడా సీరియస్ గా కష్టపడిన సందర్భాలు లేవు. పైగా ప్రతిపక్షాలు దీనిపై నిలదీస్తే మాత్రం ప్రత్యేక హోదా ఒక్కటే అన్నింటికి మార్గం కాదు అని అన్నారు. కానీ ఇప్పుడు మాత్రం ప్రత్యేక హోదా మీద ఖచ్చితంగా మాట్లాడాల్సిన పరిస్థితి దాపురించింది.

దాంతో చేసేదేం లేక టిడిపి ప్రజాప్రతినిధులతో చర్చించి  మోదీ సర్కార్ ను ప్రత్యేక హోదా అంశంలో ఇబ్బంది పెట్టాల్సిందే అని అన్నారు. అందులో భాగంగా తెలుగుదేశం పార్టీ నాయకులు దిల్లీలో ధర్నాకు దిగారు. మోదీ సర్కార్ మీద చంద్రబాబు సర్కార్ అనుకున్న రీతిలో వత్తిడి చెయ్యలేకపోతోందని.. అందుకే ప్రత్యేక హోదాపై హామీని పొందలేకపోతోందని  ఓ వాదన వినిపిస్తోంది. చంద్రబాబు నాయుడు గల్లా జయదేవ్, సుజనా, అశోక గజపతిరాజులాంటి సీనియర్ నాయకులను, పార్లమెంట్ లో బాగా మాట్లాడే కింజరపు రామ్మోహన్ నాయుడులాంటి వాళ్లు ఉన్నా కానీ చంద్రబాబు నాయుడు వాళ్లను ఇప్పుడు ఎలా వాడతారు అన్నది చూడాలి.

ఇక ప్రత్యక హోదాపై కేంద్ర, రాష్ట్ర ప్రభుత్వాల్లో అలజడికి కారణమైన వైసీపీ చాలా వ్యూహాత్మకంగా ముందుకు వెళుతోంది. పార్లమెంట్ లో విజయసాయి రెడ్డి, కేవీపీ వ్యవహరిస్తున్న తీరు ఒకే టైంలో కేంద్రంలోని మోదీ సర్కార్ ను, రాష్ట్రంలోని చంద్రబాబు నాయుడు సర్కార్ ను టార్గెట్ గా చేశారు. రేపు(ఆగష్టు2) ఏపికి ప్రత్యేక హోదా కల్పించాలని డిమాండ్ చేస్తూ బంద్ కు పిలుపునిచ్చారు.

మొత్తంగా కేంద్రంలో తాము నమ్ముకున్న మోదీ సర్కార్ తమను పరోక్షంగా దెబ్బతీస్తున్న సందర్భంగా యుద్దానికి దిగుతోంది. వైసీపీ కూడా మోదీ సర్కార్ ను టార్గెట్ చేసింది. దాంతో ఏపి నుండి చంద్రబాబు నాయుడు సంధించిన బాణం, వైసీపీ అధినేత జగన్ సంధించిన బాణం కూడా మోదీపైకే చేరుతున్నాయి. ఏపికి ప్రత్యేక హోదా కోసం సాగుతున్న ఈ యుద్దంలో చివరకు విజయం తెలుగు వారి పక్షాన చేరుతుందా అనేది చూడాలి.

Related posts:
జగన్ ఆస్తుల విషయంలో బాబు ఎందుకు తగ్గుతున్నాడు...?
ఎవడిచ్చాడు ఆ ర్యాంకులు...?
ఆ అద్భుతానికి పాతికేళ్లు
కాశ్మీర్ కోసం ఇండియా, పాక్ ఆరాటం వెనక చరిత్ర ఇది
బిజెపితో టిఆర్ఎస్ దోస్తీ.. టిడిపిలో ముసలం
బాబ్బాబు.. బాబ్బాబ్.. బాబూ
అడకత్తెరలో కేసీఆర్
చంద్రుడి మాయ Diversion Master
ఎందుకు విడిగా.. లక్ష్యం ఒక్కటేగా
నో షేక్.. ఇక హ్యాండే.. టీడీపీకి పవన్ మద్దతు లేనట్టే!
ప్రత్యేక హోదా బిజెపి ఎందుకు ఇవ్వట్లేదు..?
మద్యల నీ గోలేంది..?
కాపు ఉద్యమం+ప్రత్యేక హోదా ఉద్యమం - చంద్రంబలి
అప్పుడు రాముడు.. ఇప్పుడు చంద్రుడు
బుల్లెట్ లేదు.. రక్తం లేదు అయినా పాక్ కు చావు దెబ్బ
మింగడంలో శభాష్ అనిపించుకున్నారు
ఇష్టానుసారంగా జిల్లాలు... బ్రతిమాలినా-బెదిరించినా-రాజీనామా చేసినా చాలు
10 వేలకోట్ల రచ్చ - తిప్పి కొట్టిన జగన్ డిజిటల్ సేన
నోటిదూల డొనాల్డ్ ట్రంప్ పతనానికి కారణం
కాపీ క్యాట్ పవన్.. జగన్‌ను ఫాలో అవుతున్న జనసేనాని
రిజర్వేషన్లు ఎవరికి ఇవ్వాలి... కేసీఆర్ సర్కార్‌కు సూచన
ఏలూరు వెనక ఇంత కథ ఉందా?
రాత్రే మోదీ ‘నోట్ల’ ప్రకటన ఎందుకు?
జయలలిత జీవిత విశేషాలు

Comments

comments