సమయం లేదు మిత్రమా! శరణమా? రణమా?

War between Pawan Kalyan and Chandrababu Naidu

ఏంటి బాలయ్య సినిమాలో డైలాగు పవన్ కు, చంద్రబాబు నాయుడుకు వాడుతున్నారు అని అనుకుంటున్నారా? సిట్యువేషన్ కు సూట్ అవుతుంది అని ఆ డైలాగును టైటిల్ గా వాడుకున్నాం. ఏపిలో రాజకీయాలు రంజుగా మారాయి. ఏపి ముఖ్యమంత్రి నారా చంద్రబాబు నాయుడుకు పవన్ కళ్యాణ్ జనసేన నుండి పోటుతప్పేలా కనిపించడం లేదు. గత ఎన్నికల సందర్భంగా తెలుగుదేశం, బిజెపి పక్షానికి మద్దతుపలికిన పవన్ గత కొంత కాలంగా స్ట్రాటజీ మార్చి జనాల్లోకి వెళుతున్నారు. వెళుతూ వెళుతూ చంద్రబాబు నాయుడు ప్రభుత్వానికి వ్యతిరేకంగా ఉన్న ఉద్వేగాలను తట్టిలేపుతున్నారు.

గత ఎన్నికల్లో మిత్రులుగా ఉన్న చంద్రబాబు నాయుడు, పవన్ కళ్యాణ్ లు ఇప్పుడు మిత్రులు కారు. పైగా ఎన్నికల టైం సమీపిస్తున్న కొద్దీ వీరిద్దరి మధ్య వైరం మరింత పెరిగే అవకాశాలు కనిపిస్తున్నాయి. నారా చంద్రబాబు నాయుడుకు నాడు ఓటువెయ్యమని అడిగిన పవన్ ఇప్పుడు జనాల్లో ఉన్న వ్యతిరేకతను తనకు అనుకూలంగా మార్చుకుంటున్నారు. అందుకుగాను కాకినాడ, తిరుపతి సభలను వాడుకోకున్నా అనంతపురం సభను మాత్రం బాగానే వాడుకున్నారు. నేరుగా చంద్రబాబు నాయుడును టార్గెట్ చెయ్యకున్నా కానీ తెలుగుదేశం ను మాత్రం పవన్ టార్గెట్ చేశాడు.

2019 ఎన్నికల్లో తాను, తన పార్టీ పోటీ చేస్తుందని ఇప్పటికే కుండబద్దలుకొట్టిన జనసేన అధినేత పవన్ కళ్యాణ్ తెలుగుదేశం పార్టీ ఓటుబ్యాంకుకు గండికొడుతున్నారు. ఏపి రాజకీయాల్లో చాపకింద నీరుగా మారారు. కాలేజీ విద్యార్థులతో ముఖాముఖిలో మాట్లాడిన పవన్ చంద్రబాబును డైరెక్ట్ గా టార్గెట్ చెయ్యకపోయినా, పరోక్షంగా ఏపి ప్రభుత్వం తప్పులు చేస్తోందని అర్థంవచ్చేలా వ్యాఖ్యలు చేశారు. గతంలో తెలుగుదేశం, బిజెపిల మద్దతుతోనే జనాల్లోకి వెళ్లిన పవన్ ఇప్పుడు సొంత పార్టీ మీద దృష్టిపెట్టారు.

జనసేన పార్టీ అంటే కేవలం పవన్ కల్యాణ్ మాత్రమే అనే భావన రాకుండా కూడా ఆయన జాగ్రత్తపడుతున్నారు. ఒక్కో అడుగు వేసుకుంటూ వచ్చే ఎన్నికల నాటికి రంగం సిద్ధం చేసుకుంటున్నారని అనిపిస్తోంది. అందులో భాగంగానే గతంలో టీవీ షోల్లో జనసేన పార్టీ తరఫున గొంతు వినిపించే వాళ్లు ఎవరూ ఉండే వాళ్లు కాదు కానీ ఇప్పుడు టీవీ చర్చల్లో జనసేన తరఫున కొంత మంది ప్రతినిధులు పాల్గొంటున్నారు. అంటే పార్టీని మెల్లమెల్లగా పవన్ విస్తరిస్తున్నారు.. ప్రజలకు దగ్గర చేరుస్తున్నారు.

ఇక పవన్ కళ్యాణ్ కు ఉన్న బలం ఆయన ఫ్యాన్సే. అందుకే పవన్ తన ఫ్యాన్స్ ను మరింత దగ్గర చేసుకునేందుకు సోషల్ మీడియాను వాడుకుంటున్నారు. పవన్ ఫ్యాన్స్ ఉంటున్న గ్రూప్స్ మీద పూర్తి స్థాయిలో దృష్టిసారించారు. మొత్తానికి పవన్ అడుగులు వెంటనే వెయ్యలేకపోతున్నా కానీ ఎంతో ఆలోచనతో వేస్తున్నారు అన్నది మాత్రం స్పష్టంగా తెలుస్తోంది. అయితే పవన్ వేస్తున్న ప్రతి అడుగు కూడా చంద్రబాబు నాయుడుకు దడపుట్టించేదే. తెలుగుదేశం పార్టీ ఓటుబ్యాంకునే టార్గెట్ గా చేస్తూ పవన్ అడుగులు వేస్తున్నారు. మరి వచ్చే ఎన్నికల టైంలోపు వీరిద్దరి మధ్య ఒప్పందం కుదురుతుందో? లేదంటే రణమే జరుగుతుందో చూడాలి.

Related posts:
పొలిటికల్ మైలేజ్ కోసం పులిరాజాలు
కొత్త జిల్లాల వెనుక కేసీఆర్ ప్లాన్ ఏంటి..?
బ్రెగ్జిట్ వరమా..? శాపమా..?
పంతం ఎవరిది..? సొంతం ఎవరికి.? నిప్పులాంటి నిజాలు ఇవే..
తెలుగువాళ్లను వెర్రివెంగళప్పలను చేస్తున్నారే..?!
పాక్ ను వద్దనుకున్నాడు కాశ్మీర్ రాజు కానీ..
కాశ్మీర్ విషయంలో ఒక్కమగాడు.. అటల్ మాత్రమే
బిజెపితో టిఆర్ఎస్ దోస్తీ.. టిడిపిలో ముసలం
we report you decide అంటున్న శేఖర్ బాషా- ఆంధ్రజ్యోతి గాలి తీశాడు
బాబ్బాబు.. బాబ్బాబ్.. బాబూ
రెండు తెలుగు రాష్ట్ర ప్రభుత్వాలకు ఎన్టీఆర్ సినిమా సహాయం
సింధూరంలో రాజకీయం
ఆ అరుపులేంటి..?
బాబు Khan
ఏపికి ప్రత్యేక హోదా ఓ సంజీవని
ఏం పీకలేకపోతున్నారు... ఎందుకు ఇలా?
10 వేలకోట్ల రచ్చ - తిప్పి కొట్టిన జగన్ డిజిటల్ సేన
పవన్ పనికిమాలిన స్ట్రాటజీ అదే!
నారా వారి ఆస్తులు.. నమ్మలేని లెక్కలు
కేజ్రీవాల్, రాహుల్ లు చేసేది రాజకీయాలేనా?
మోదీని పాక్ కూడా ఫాలోఅవుతుందా?
పవన్ క్షమాపణలు చెప్పాలి
క్యాష్‌లెస్ ఇండియా ఎప్పటికీ కలే
జయ మరణం వెనక ఆ మాఫియా?

Comments

comments