ఎవడిచ్చాడు ఆ ర్యాంకులు…?

Who Gave ranks to KCR and Chandrababu for their Chief Ministries

నోటికొచ్చింది వాగెయ్యడం… చేతికొచ్చింది రాసెయ్యడం మన వాళ్లకు బాగా అలవాటు. అందుకే అన్నింటిలోనూ మన వాళ్లు అతిగా చేస్తుంటారు. తెలుగు మీడియా గురించి అయితే కొత్తగా చెప్పక్కర్లేదు. ఆకాశంలో గద్దకు ఎన్ని ఈకలున్నాయో కూడా చెప్పేస్తారు. తాజాగా దేశంలోని అన్ని రాష్ట్రాల ముఖ్యమంత్రుల పనితీరును బట్టి ర్యాంకులిచ్చారని ప్రచారం నడిచింది. అందులో భాగంగా తెలుగు రాష్ట్రాలకు చెందిన సిఎంలకు కూడా ర్యాంకులివ్వగా కేసీఆర్ ముందు వరుసలో నిలిచి నెంబర్ వన్ సిఎంగా ఎదిగారని, చంద్రబాబు నాయుడు మాత్రం వెనకబడిపోయి పదమూడో ర్యాంకును సొంతం చేసుకున్నారని వార్తలు వచ్చాయి. ఇక్కడ గమనించాల్సింది ఏంటంటే.. అసలు ఆ ర్యాంకులు ఎవరిచ్చారు.. అన్నది.

ఆలూ లేదు చూలూ లేదు అల్లుడి పేరు సోమలింగం అన్నట్లు అసలు ఏమీ లేని దగ్గర పెద్ద సినిమానే చూపించారు మీడియా మిత్రులు. సిఎం కేసీఆర్ నెంబర్ వన్ సిఎంగా ప్రధాని మోదీ దిల్లీలో జరుగుతున్న ఇంటర్ స్టేట్ కౌన్సిల్ లో ప్రకటిస్తారని తెగ ప్రచారం నడిచింది. కానీ నిజానికి అక్కడ సీన్ వేరేలా ఉంది. మోదీ కనీసం ర్యాంకులు అన్న మాట కూడా మాట్లాడలేదు. పోనీ.. కేసీఆర్ కానీ లేదంటే చంద్రబాబు నాయుడు కానీ దీని మీద స్పందించారా..? లేనే లేదు. కానీ మన పత్రికల్లో మాత్రం తాటికాయంత అక్షరాలతో నెంబర్ వన్ సిఎం అని, పదమూడో ర్యాంక్ అని రాసేశారు.

అసలు మోదీ గానీ, కేంద్రం గాని ఎందుకు ర్యాంకులను ప్రకటిస్తుంది..? ర్యాంకులను అధికారికంగా ప్రకటిస్తున్నట్లు వార్తలైనా వచ్చాయా.?లేనే లేదు. కానీ శూన్యంలో టార్చిలైట్ వేసి మరీ కొత్త ఆవిష్కణను కలలో చూపిస్తున్నారు. ఇక కొంత మంది మీడియాలోని భజన బృందం చేస్తున్న హడావిడి అయితే అంతా ఇంతా కాదు.మీడియా ముందుకు వచ్చిన వీరాభిమానులు అయితే తొడలుకొట్టి సవాల్ అంటూ ఛాలెంజ్ చెయ్యడమొక్కటే లేదు. కొన్ని మీడియా ఛానల్స్ అయితే పలానా ఆయన అలా, పలానా ఈయన ఇలా అంటూ వార్తలు ప్రచురించాయి, ప్రసారం చేశాయి.

తెలంగాణ ప్రభుత్వం చేస్తున్న అద్భుతాలు జనాలకు మంచి చేస్తున్నాయని, మీడియాలో డబ్బా ఎక్కువ కొట్టేస్తున్నాయి మీడియా ఛానల్స్. నిజానికి తెలంగాణ ప్రభుత్వం కన్నా అద్భుతమైన పథకాలను తమిళనాడు ప్రభుత్వం అమలు చేస్తోంది. అక్కడ ప్రతీదానిలో ప్రభుత్వం తోడ్పాటు ఉంటుంది. మరి ప్రజా సంక్షేమ పథకాలను అమలు చేసే పరంగా చూస్తే తమిళనాడుకు ఫస్ట్ ర్యాంక్ వచ్చి… జయలలితకు నెంబర్ వన్ ర్యాంక్ రావాల్సి ఉంది.

అలా కాదు సంక్షేమ పథకాలను కాకుండా అవినీతిని ఆధారంగా చేసుకొని.. ర్యాంకులు ఇచ్చారు అని అనుకుంటే అలా కూడా కాదు. అవినీతిని నిర్మూలించడంలో దిల్లీ సర్కార్ ఎన్నో స్టెప్ లు ముందుకేసింది. దాంతో అక్కడ దాదాపుగా అవినీతికి ప్రభుత్వం ఎన్ని రకాలుగా అడ్డుకట్ట వెయ్యాలో అన్ని రకాలుగా అడ్డుకట్ట వేస్తోంది. మరి అవినీతిని ఆధారంగా ర్యాంకులు వేశారు అనుకుంటే అప్పుడు దిల్లీ ముఖ్యమంత్రి కేజ్రీవాల్ కు ఫస్ట్ ర్యాంక్ రావాలి కదా.

రాష్ట్రాల ముఖ్యమంత్రులకు ర్యాంకులను ప్రకటంచారు.. అనే దాని కన్నా ముందు అసలు దేని మీద ర్యాంకులను ప్రకటిస్తారు అనే ధ్యాస ఉండాలి. పలానా రాష్ట్రం అభివృద్దిపరంగా దూసుకెళుతోంది లేదా వెనకబడింది అని నిరూపించడానికి ఇది తీశారు అనుకుందాం. కానీ ఇప్పడు దీన్ని లెక్కలు వేసే టైం కాదు. ఆర్థికంగా ఎలాంటి అవసరం లేని టైంలో ఇలా అంటే అందరూ నవ్వుకుంటారు. బడ్జెట్  లేదంటే ఆర్థిక సర్వే చేస్తున్నప్పుడు ఇలా అన్ని రాష్ట్రాల లెక్కలు వేశారు అని అంటే దానికి అర్థం ఉంది కానీ ఇప్పుడు ఆ టైం కానేకాదు.

ఇక రాష్ట్రాల ఆర్థిక అభివృద్దిని దృష్టిలో ఉంచుకొని ర్యాంకులు వేశారు అని అనుకుందామా అంటే అదీ కాదు. ఎందుకంటే తెలంగాణ, గుజరాత్, తమిళనాడు మినహా అన్ని కూడా వెనకబడ్డాయి. దిల్లీకి అయితే ఐదో ర్యాంక్ అనే ప్రచారం నడిచింది. మరి ఇలా సంబందంలేనివి అనుకొని మన వాళ్లే క్రియేట్ చేసిన ఓ ఊహ ఈ ర్యాంకులు. పోనీ మోదీ ఇలా చేశారా..? అంటే అసలు ఆయన తలుచుకుంటే అధికారికంగా రాష్ట్రాల ముఖ్యమంత్రుల పనితీరుపై వివరాలను సర్వేలో తెలుసుకుంటారు. అంతేకానీ ఎవరో చేశారని చెబుతున్న దానిని మోదీకి ఆపాదించడం కరెక్ట్ కాదు. అంతకన్నా ఆధారాలు కూడా లేకుండా వచ్చిన వార్తలను మీడియాలో ప్రచారం చెయ్యడం, వాటిని ప్రజలు కూడా నిజమే కదా అని అనుకోవడం చాలా తప్పు.

 

Related posts:
బ్రెగ్జిట్ వరమా..? శాపమా..?
టెర్రరిస్టులకు ఓవైసీ సపోర్ట్ ఎందుకు? పచ్చినిజాలు
కాశ్మీర్ కోసం ఇండియా, పాక్ ఆరాటం వెనక చరిత్ర ఇది
పాక్ ను వద్దనుకున్నాడు కాశ్మీర్ రాజు కానీ..
వేమన ఏమన్నాడో విన్నావా..? శివాజీ
మల్లన్న సాగర్ కు మొదటి బలి హరీష్ రావు
రెండు తెలుగు రాష్ట్ర ప్రభుత్వాలకు ఎన్టీఆర్ సినిమా సహాయం
పివి సింధు విజయం.. వెనక రాజకీయం
చిరుకు పవన్ అందుకే దూరం
ముద్రగడకు నాడు పవన్ అందుకే దూరం
ఒకే ఒరలో లక్షల అస్త్రాలు.. యువభేరి
ఇక యుద్ధమే కానీ..
అదీ హామీ అంటే.. ఫీరీయింబర్స్మెంట్ 100శాతం
నారా వారి ఆస్తులు.. నమ్మలేని లెక్కలు
బాబుకు అవకాశం లేదు... కేసీఆర్ కు తిరుగులేదు
కాపీ క్యాట్ పవన్.. జగన్‌ను ఫాలో అవుతున్న జనసేనాని
దొంగదారిలో అయినా సరే.. స్విస్ ఛాలెంజ్ పై బాబు సర్కార్ తీరు
నోట్ల మీద బ్యాన్ తొలిసారి కాదు
రాత్రే మోదీ ‘నోట్ల’ ప్రకటన ఎందుకు?
ఏబీఎన్ సర్వేలో మ్యాటర్ ఏంటి?
మోదీ మంచి చేస్తే భయం ఎందుకు?
జయలలిత జీవిత విశేషాలు
జయను ఎందుకు ఖననం చేశారంటే?
శశికళ ‘సిఎం’ స్ట్రాటజీ

Comments

comments