జగన్ బ్రహ్మాస్త్రం గడప గపడకు

Jagan-Brahmastram2

యుద్ధంలో గెలవాలంటే ముందుగా మన బలంతోపాటు ఎదుటివారి బలహీనతలను పసిగట్టాలి. ఈ నీతి యుద్ధానికే అనుకుంటే పొరపాటు.. ఎందుకంటే రాజకీయాల్లో కూడా ఇదే నిజమవుతుంది. తెలుగు రాష్ట్రాల్లో రాజకీయానికి పేరెన్నికగన్న పొలిటికల్ లీడర్ చంద్రబాబు నాయుడు. ఏపిలో ఆయన అధికారంలోకి వచ్చిన తర్వాత నుండి సాగుతున్న పరిణామాలు ప్రభుత్వం మీద, పనితీరుపై తీవ్ర వ్యతిరేకతకు దారితీస్తున్నాయి. కాగా గత ఎన్నికల్లో అతిస్వల్ప ఓట్ల శాతం తేడాతో అధికారాన్ని దూరం చేసుకున్న జగన్ ఈ సారి వచ్చే సార్వత్రిక ఎన్నికల్లో అధికారాన్ని మాత్రం ఎట్టిపరిస్థితుల్లోనూ వదులుకోవాలని సిద్దంగాలేరని అనిపిస్తోంది.

అందుకే చంద్రబాబు నాయుడు ప్రభుత్వాన్ని టార్గెట్ చేసి తన దగ్గర ఉన్న అన్ని అస్త్రాలను సిద్దం చేస్తున్నారు. 2019 ఎన్నికల నాటికి చంద్రబాబు నిర్వాకాన్ని ప్రజల్లోకి తీసుకెళ్లడానికి జగన్ అన్ని ప్రయత్నాలు చేస్తున్నారు. అందులో భాగంగానే ఆయన ఆలోచనలో నుండి పుట్టిందే గడప గడపకు వైసీపీ. నిజానికి జగన్ విసిరిన అస్త్రం కన్నా చంద్రబాబుకు ఎక్కుపెట్టిన బ్రహ్మాస్త్రం అంటే బెటర్. ఎందుకు అంటే చంద్రబాబు నాయుడు సర్కార్ గతంలో హామీలిచ్చి.. నిలబెట్టుకోలేని ప్రతి మాటను వైసీపీ ప్రజల నుండి సేకరిస్తోంది.

వైయస్ఆర్ జయంతి రోజు సంధించిన ఈ గడప గడపకు వైసీపీ లక్ష్యం ఏంటంటే…

ఎన్నికల టైంలో ఇవ్వకూడని.. చెయ్యలేని హామీలను కూడా ఇచ్చిన చంద్రబాబును ఓ రకంగా ఎండగట్టడం. రైతుల రుణ మాఫీ దగ్గరి నుండి డ్వాక్రా గ్రూపు రుణాల మాఫీ వరకు, జాబు రావాలంటే బాబు రావాలి అన్న నినాదం దగ్గరి నుండి నిరుద్యోగ భృతి వరకు అన్నింటిలో చంద్రబాబు వేసిన తప్పటడుగులను ‘గడప గడపకు’ బయటకు తీస్తోంది. జగన్ ప్రారంభించిన ఈ కార్యక్రమాన్ని వైసీపీ శ్రేణులు భుజస్కందాలపై మోస్తూ.. ప్రజల్లోకి దూసుకెళితే వచ్చే ఎన్నికల్లో వైసీపీ దూకుడు కళ్లెం వేసే వాళ్లు ఉండరు.

ఈ విషయంపై పార్టీ శ్రేణులతో సమీక్షిస్తు గడప గడపకు ప్రాధాన్యతనివ్వాలని జగన్ ఆదేశించారని తెలిసింది. అదే విధంగా ‘మీరు గెలిస్తేనే నేను గెలుస్తాను.. ఆ విధంగా పార్టీని అధికారంలోకి తీసుకురావచ్చు’ అని దీని ఆవశ్యకతను శ్రేణులకు గట్టిగా చెప్పడం జరిగింది. ప్రజలకు గడప గడప ద్వారా దగ్గరవ్వాలని, ప్రజలకు అవసరమైన వాటిపై స్థానిక నాయకులు ఇచ్చిన వాగ్దానాలను తాను నిలబెట్టుకుంటానని కూడా జగన్ ఈ సందర్భంగా వెల్లడించారు.

ఈవిధంగా ఏపిలోని ప్రతి గడపకు వైసీపీ నాయకులు వెళ్లి స్థానికుల సమస్యలతో పాటుగా, నాడు వైయస్ రాజశేఖర్ రెడ్డి హయాంలో ఉన్నప్పుడు పరిస్థితి ఎలా ఉండేదో..? చంద్రబాబు నాయుడు వచ్చిన తర్వాత పరిస్థితి ఎంత దారుణంగా మారిందో..? లెక్కలు తీస్తున్నారు. ఇలా ప్రజలకు  చాలా వాటిపై  ప్రశ్నలను సంధించి.. వాటిపై వారి అభిప్రాయాలను సేకరిస్తున్నారు. మరి ఇది గనక వందకు వంద శాతం విజయవంతమైతే మాత్రం జగన్ అనుకున్న లక్ష్యానికి దాదాపుగా పూల బాటలు వేసుకున్నట్లే.

Related posts:
లోకేష్ గ్యారేజ్.. పార్టీకి రిపేర్లు చెయ్యబడును
తెలుగువాళ్లను వెర్రివెంగళప్పలను చేస్తున్నారే..?!
ఎవడిచ్చాడు ఆ ర్యాంకులు...?
కాశ్మీర్ కోసం ఇండియా, పాక్ ఆరాటం వెనక చరిత్ర ఇది
తండ్రి కోటీశ్వరుడు.. కొడుకు కూలి(రియల్ స్టోరీ)
ఏపికి ప్రత్యేక హోదాపై గర్జించిన ‘విజయ’సాయిరెడ్డి
ఏం చేసినా తప్పు అంటే ఎలా..?
మెగా ఫ్యామిలీ పొలిటికల్ స్కెచ్
ముద్రగడకు నాడు పవన్ అందుకే దూరం
బాబు Khan
జనాలకు ‘బూతు’లొస్తున్నాయ్.. (ప్రత్యేక సాయం అంటేనే)
ఇక యుద్ధమే కానీ..
అక్కడి మీడియా ఇలా మొరుగుతోంది
దేశం మెచ్చిన జేమ్స్ బాండ్.. ధోవల్ అంటే పాక్ హడల్
పవన్ పనికిమాలిన స్ట్రాటజీ అదే!
కేవలం 57 సీట్లు మాత్రమే ఎందుకు?
బాబును ఉతికిఆరేశారు... కర్నూల్‌లో జగన్ ‘చెల్లెళ్లు’
ఏలూరు వెనక ఇంత కథ ఉందా?
తమ్ముడు ఎవరిని ప్రశ్నిస్తాడు?
పవన్ క్షమాపణలు చెప్పాలి
మోదీతో కేసీఆర్ ఏం మాట్లాడతారు?
ఏబీఎన్ సర్వేలో మ్యాటర్ ఏంటి?
ఆ కంపెనీ దెబ్బకు పేటిఎం ఢమాల్!
జయ మరణం వెనక ఆ మాఫియా?

Comments

comments